Acarendu 2.p15
Ācārendu 2.p15
- Language
- Sanskrit
2.p15
yājñavalkyaḥgṛhītaśiśnaścotthāya mṛdbhirabhyuddhṛtairjalaiḥ | gandhalepakṣayakaraṃ śaucaṃ kuryādatandritaḥ || iti| diṅniyamamāha brahmāṇḍeuddhṛtodakamādāya mṛttikāṃ caiva vāgyataḥ | udaṅmukho divā kuryādrātrau ceddakṣiṇāmukhaḥ || mṛtsaṃkhyāmāha śātātapaḥekā liṅge kare savye tisro dve hastayordvayoḥ | 1mūtraśaucaṃ samākhyātaṃ śakṛti triguṇaṃ bhavet || mādhavīye tuekā liṅge gude tisrastathaikatra kare daśa | ubhayoḥ sapta dātavyā mṛdaḥ śuddhimabhīpsatā || iti | evaṃ ca saṃkhyāviśeṣe'dhikasaṃkhyā mukhyakalpaḥ | alpasaṃkhyā tvanukalpa iti vivektavyamiti bhaṭṭojīye| śaktāśaktabhedena vyavasthetyanye | uktasaṃkhyayā gandhalepānapagame devalaḥyāvattu śuddhiṃ manyeta tāvacchaucaṃ vidhīyate | pramāṇaṃ śaucasaṃkhyāyāṃ na viprairupadiśyate || kevalamūtrotsarge dakṣaḥekā liṅge tu savye trirubhayormṛddvayaṃ smṛtam | mūtraśaucaṃ samākhyātaṃ maithune dviguṇaṃ smṛtam || bṛhannāradīyetisrastisraḥ pradātavyāḥ pādayormṛttikāḥ pṛthak
Linked texts (6)
- Haribhaktivilāsa — Gopāla Bhaṭṭa Gosvāmin & Sanātana Gosvāmin 1535, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Smṛticandrikā — Devaṇṇabhaṭṭa, Sanskrit
- Gṛhastharatnākara — Caṇḍeśvara, Sanskrit
- Ācārasāra (Gadādhara) — Gadādhara (Pāraskara commentator), Sanskrit
- Āhnikaprakāśa — Mitramiśra, Sanskrit