Acarendu 2.p16

2.p16

āśvalāyanaḥliṅgaśaucaṃ purā kṛtvā gudaśaucaṃ tataḥ param || manuḥetacchaucaṃ gṛhasthānāṃ dviguṇaṃ brahmacāriṇām || triguṇaṃ syādvanasthānāṃ yatīnāṃ syāccaturguṇam || iti | devalaḥdharmyaṃ vai dakṣiṇaṃ hastamadhaḥśauce na yojayet | tathā ca vāmahastena nābherūrdhvaṃ na śodhayet || ṛṣyaśṛṅgaḥdhārāśaucaṃ na kartavyaṃ śaucasiddhimabhīpsunā | culukenaiva kartavyaṃ hastaśuddhividhānataḥ || ādityapurāṇestrīśūdrayorardhamānaṃ proktaṃ śaucaṃ manīṣibhiḥ | divā śaucasya niśyardhaṃ pathi pādaṃ1 vidhīyate || ārtaḥ kuryādyathāśakti śaktaḥ kuryādyathoditam || tathāstrīśūdrāṇāmaśaktānāṃ bālānāṃ copavītitaḥ || gandhalepakṣayaṃkaraṃ śaucaṃ kuryānna saṃkhyayā | ekaikayā mṛdā pādau hastau prakṣālayettataḥ || vivasvāndeśāntaragato vipraḥ kṣālayettacca bhūta lam | śaucaśeṣāṃ mṛdaṃ toyairna hi prakṣālayedyadi || aśeṣāstasya pitarastāmaśnanti na saṃśayaḥ