Acarendu 4.p28

4.p28

saptānāmāpo devatāḥ | aṣṭamyā āpo'gniśca devate | ādyānāṃ tisṛṇāṃ gāyatrī chandaḥ | caturthī pura-uṣṇik | pañcamyanuṣṭup | ṣaṣṭhī pratiṣṭhā | antye dve anuṣṭubhau | mārjane viniyogaḥ | oṃ ambayo yantyadhva0 ṛ. 8| āpohiṣṭheti navarcena mārjanaṃ kṛtvā tato'ṅguṣṭhamūlena jalaṃ triḥ pradakṣiṇamāloḍayet| imaṃ me gaṅga ityasya pramamedhaḥ sindhukṣitpradyo jagatī| jalālojane vi0 | oṃ imaṃ me gaṅge0 ṛ. 1 tato'ṅguṣṭhābhyāṃ śrotre tarjanīmadhyamābhirnetre, anāmikābhyāṃ nāsābile sampīḍya kaniṣṭhikābhyāṃ mukhaṃ ca sammīlya prakāśapṛṣṭhamagnannaṛtaṃ cetyaghamarṣaṇaṃ sūktaṃ trirāvartya nimajjyonmajjyā''dityamavalokya dvādaśakṛtva āplutya pāṇibhyāṃ śaṅkhamudrayā yonimudrayā vodakamādāya mūrdhni mukhe bāhvorurasi cā''tmānaṃ gāyatryā'bhiṣicya oṃ tvaṃ no agne varuṇasya vi0 ṛ. oṃ taratsamandī dhā0 ṛ. 4 punaḥ snāyānmūrdhni cābhiṣiñcet | oṃ tadviṣṇoḥ paramaṃ0 ṛ. 2 oṃ agne rakṣā ṇo aṃha0 ṛ. 1 oṃ yatkiṃ cedaṃ varuṇa ṛ01 iti japet| atha nābhimātre jale tiṣṭhansnānāṅgatarpaṇaṃ kuryāt | sākṣatābhiradbhiḥ prāṅmukha upavītī devatīrthena brahmādayo ye devāstān devāṃstarpayāmi| bhūrdevāṃsta0 | bhūvardevāṃsta0| svardevāṃsta0| bhūrbhuvaḥ svardevāṃsta0| tato nivītī udaṅmukhaḥ prājāpatyatīrthena sayavābhiradbhiḥ kṛṣṇadvaipāyanādayo ya ṛṣayastādṛṣīṃsta0 bhūrṛṣīṃsta0 | bhuvarṛ0| svarṛ0| bhūrbhuvaḥ svarṛ0| tataḥ prācīnāvītī dakṣiṇāmukhaḥ pitṛtīrthena satilābhiradbhiḥ somaḥ pitṛmānyamo'ṅgirasvānagniṣvāttā agniḥ kavyavāhana ityādayo ye pitarastānyitūṃsta0| bhūḥ pitūṃsta0| bhuvaḥ pitūṃsta0| svaḥ pitūṃ0| bhūrbhuvaḥ svaḥ pitūṃ0| iti tarpayitvā tīrametya dakṣiṇāmukhaḥ prācīnāvītī ye ke cāsma0 dakam | iti snānavastraṃ niṣpīḍyopavītīyanmayā dūṣitaṃ toyaṃ śārīramalasambhavāt | taddoṣaparihārārthaṃ yakṣmāṇaṃ tarpayāmyaham || ityañjalinā yakṣmatarpaṇaṃ vidhāya nadīṃ prārthayet | jñānato'jñānato vā'pi yanme duścaritaṃ kṛtam | tatkṣamasvākhilaṃ devi jaganmātarnamo'stu te || athaitatkaraṇāśaktau sāgnikasya vā saṅkṣiptasnānavidhirucyate | kātyāyanaḥalpatvādvomakālasya bahutvātsnānakarmaṇaḥ | prātaḥ saṅkṣepataḥ snānaṃ homalopo vigarhitaḥ || dakṣo'piprātarna tanuyātsnānaṃ homalopo vigarhitaḥ | ato madhyāhnakāle tu snānaṃ vistarataścaret || yogayājñavalkyaḥyo'sau vistarataḥ proktaḥ snānasya vidhiruttamaḥ | asāmarthyānna kuryāccettatrāyaṃ vidhirucyate || snānamantarjale caiva mārjanācamane tathā | jalābhimantraṇaṃ caiva tīrthasya parikalpanam || aghamarṣaṇasūktena trirāvṛttena nityaśaḥ | snānācaraṇamityetadupadiṣṭaṃ mahātmabhiḥ || atha prayogaḥ | nadyādau gatvā śikhāṃ baddhvā jānūrdhvajale tiṣṭhannanyathā tūpaviśyā''camya prāṇānāyamya deśakālau saṅkīrtya mama kāyikavācikamānasikadoṣaparihārapūrvakasarvakarmasu śuddhyarthaṃ nityavidhirūpaṃ prātaḥsnānaṃ kariṣya iti saṅkalpya pravāhābhimukhastriravagāhyāṅgāni nimṛjya snātvā dvirācamyā''po hi ṣṭheti mārjanaṃ kṛtvemaṃ me gaṅga iti jalamāloḍyāghamarṣaṇaṃ trirāvṛttena ṛtaṃ ceti sūktena jalanimagnatayā kṛtvā''plutyā''camya jalatarpaṇaṃ kuryānna vā | pārijāte - gṛhasthasya pravāhodake majjanarūpaṃ snānam| vāpīkūpataḍāgādyapravāheṣu hastābhyāṃ śira āsecanarūpam | yativanasthabrahmacāriṇāṃ sarvatra nimajjanarūpaṃ snānamiti| iti saṅkṣiptasnānavidhiḥ