Acarendu 5.p1

5.p1

atha snānottarakṛtyam kārṣṇājiniḥsnānavastraṃ tataḥ pīḍya punarācamanaṃ caret | tatra viśeṣamāha hārītaḥtasmādekaṃ jalasyāntaḥ pādamekaṃ sthale tathā | kṛtvā''cāmenvidhānajñaḥ pūto bhavati nānyathā || tato darbhāṃstyajet | tathā ca smṛtiḥvikire piṇḍadāne ca tarpaṇe snānakarmaṇi | ācāntaḥ sanprakurvīta darbhasantyajanaṃ budhaḥ || hārītaḥ - snātvā na gātramavamṛjyānna śiro vidhunuyānnottarīyaviparyāsa kuryāditi| viṣṇupurāṇe tusnāto'ṅgāni na mṛjyācca snānaśāṭyā na pāṇinā | iti pāṇisrānaśāṭīniṣedha ityuktaṃ tatra samarthasya mārjanābhāvaḥ | asamarthasya pāṇisnānaśāṭīmārjanābhāva iti vyavastheti hariharaḥ| keśabindūn purataḥ srāvayettaduktaṃ saṅgrahesurābindusamā jñeyāḥ pṛṣṭhataḥ keśabindavaḥ | ta eva purato jñeyāḥ sarvatīrthopamā budhaiḥ || mārjanapakṣe dhautavastreṇāṅgamārjanaṃ kāryaṃ taduktaṃ devalenaaṅgāni śaktau vastreṇa pāṇinā na ca mārjayet | dhautāmbareṇa vā proñchya bibhṛyācchuṣkavāsasī || śuṣkavastrābhāve tu caturviṃśatimatevastraṃ dvitīyaṃ niṣpīḍya saptavātāhataṃ kṛtam | sthāpayitvā tu śirasi dvādaśākṣaramantrataḥ || prokṣayedupaviśyaiva sarvāṅgaṃ śodhayettataḥ || atha vastradhāraṇaṃ manuḥsnātvaivaṃ vāsasī dhaute aklinne paridhāya ca | vāso viśinaṣṭi vasiṣṭhaḥ- śuklamahataṃ vāso brāhmaṇasya, kārpāsaṃ māñjiṣṭhaṃ 1 kṣaumaṃ kṣatriyasyeti| ahatalakṣaṇamāha pracetāḥīṣadvautaṃ navaṃ śvetaṃ sadaśaṃ yanna dhāritam | ahataṃ tadvijānīyātsarvakarmasu pāvanam || īṣadvautamakārudhautam | tathā ca devalaḥsvayaṃ dhautena kartavyā kriyā dharmyā vipaścitā| na tu 2nejakadhautena nāhatena na kutracit || nāhatenetyekaṃ padaṃ svayaṃ grahaṇādeva nejakanivṛttau punastanniṣedho'nyenāpi brāhmaṇādinā dhautena kriyā kāryetyetadartham| tatpramāṇaṃ yogayājñavalkya āha - aṣṭahastaṃ navaṃ śvetamiti| atra daśahastamiti vā pāṭhaḥ kvacit| yantranirmuktamakṣālitamapyahatamityāha satyatapāḥahataṃ yantranirmuktaṃ vāsaḥ proktaṃ svayambhuvā| śastaṃ tanmāṅgalikyeṣu tāvatkālaṃ na sarvadā || māṅgalikyaṃ maṅgalakarmāṇi vivāhādīni | vastradvayāvaśyakatāmāha yogayājñavalkyaḥsnānaṃ dānaṃ japa homaṃ svādhyāyaṃ pitṛtarpaṇam | naikavastro dvijaḥ kuryācchāddhabhojanasatkriyām