Acarendu 5.p2

5.p2

ekavastralakṣaṇamāha gobhilaḥsavyādaṃsātparibhraṣṭaṃ kaṭideśadhṛtāmbaraḥ | ekavastraṃ tu taṃ vidyāddaive pitrye ca varjayet || āśvalāyanasmṛtāvapiupavītaṃ yathā yasmin dhatte karmaṇi vaidike | brahmacārī gṛhasthaśca tadvadvāso'pi dhārayet || pariśiṣṭe - paridhānīyamabhyukṣya paridhāya dvitīyaṃ cottarīyaṃ paryukṣitaṃ prāvṛtya dvirācāmediti| viṣṇuḥ - snāta eva soṣṇīṣe dhaute vāsasī bibhṛyāditi| uṣṇīṣaṃ keśajalāpakarṣaṇārthaṃ vastramiti pṛthvīcandraḥ | tathākartavyamuttaraṃ vāsaḥ pañcasveteṣu karmasu | svādhyāyotsargadāneṣu bhojanācamane tathā || iti pañcagrahaṇānarthakyāpatterna sarvatra vastradvayaniyama iti mādhavaprayogapārijātau| navavastraparidhānaṃ samantrakameva kāryam | vāsaśchatropānahaścāpūrvāścetsamanyā1 iti kātyāyanokteḥ | mantrastu yuvaṃ vastrāṇīti prasiddhaḥ | paridhānaprakārastu yājñavalkyoktaḥājānumūlaṃ vastraṃ syāttrikacchaṃ dhārayedbudhaḥ | tannyūnamadhikaṃ caiva sarvakarmasu garhitam || vāmakukṣau ca nābhau ca pṛṣṭhe caiva yathākramam | trikacchena samāyukto dvijo'sau munirucyate || pañca kacchā api granthāntarekukṣidvaye tathā pṛṣṭhe nābhau dvau parikīrtitau | pañca kacchāstu te proktāḥ sarvakarmasu śobhanāḥ || jātūkarṇyaḥparidhānādvahiḥ kakṣyā nibaddhā hyāsurrī matā| dharmakarmaṇi vidvadbhirvarjanīyā prayatnataḥ