Acarendu 5.p13

5.p13

brahmapurāṇedvāravatyudbhavādgopīcandanādūrdhvapuṇḍrakam | kārayennityamevaṃ hi hanti pāpaṃ dine dine || parvatāgre nadītīre mama kṣetre viśeṣataḥ | sindhutīre ca valmīke tulasīmūla āśritāḥ || mṛda etāstu sampādyā varjayedanyamṛttikāḥ | aṅguṣṭhaḥ puṣṭidaḥ prokto madhyamā''yuṣkarī bhavet || anāmikā'nnadā nityaṃ muktidā ca pradeśinī1 | etairaṅgulibhedaistu kārayenna nakhaiḥ spṛśet || candrikāyāṃ brahmapurāṇelalāṭe keśavaṃ vidyānnārāyaṇamathodare | mādhavaṃ hṛdi vinyasya govindaṃ kaṇṭhamūlake || udare dakṣiṇe pārśve viṣṇurityabhidhīyate | tatpārśve bāhumadhye tu vinyasenmadhusūdanam || trivikramaṃ karṇadeśe vāmakukṣau tu vāmanam | śrīdharaṃ vāmake bāhau hṛṣīkeśaṃ tu karṇake || pṛṣṭhadeśe padmanābhaṃ kakuddāmodaraṃ nyaset | dvādaśaitāni nāmāni vāsudeveti mūrdhani || saṅkarṣaṇādibhiḥ kṛṣṇe śukle cetkeśavādibhiḥ || śaunakaḥūrdhvapuṇḍraṃ śivasyaivaṃ kuryurviṣṇośca vā budhāḥ || mūrdhni mūlena mantreṇa śeṣaṃ dvādaśanāmabhiḥ | sthāneṣveṣu dvijaḥ snātvā namontaiḥ praṇavena ca || iti