Acarendu 5.p12

5.p12

sa1 ca dvividhaḥūrdhvapuṇḍrastripuṇḍraśceti | tatrordhvapuṇḍra ukto viṣṇusmṛtauyāgo dānaṃ japo homaḥ svādhyāyaḥ pitṛtarpaṇam | bhasmī bhavati tatsarvamūrdhvapuṇḍraṃ vinā kṛtam || yāgādi sarvakarmopalakṣaṇārthaṃ na parisaṃkhyārthamuttarārdhe sarvapadaśruteḥ | tripuṇḍra ukto bhaviṣyatpurāṇesitena bhasmanā kuryāttrisandhyaṃ ca tripuṇḍrakam | sarvapāpavinirmuktaḥ śivena saha modate || satyaṃ śaucaṃ japo homastīrthaṃ devādaisevanam | tasya vyarthamidaṃ sarvaṃ yastripuṇḍraṃ na dhārayet || brāhmeūrdhvaṃ puṇḍraṃ mṛdā kuryāttripuṇḍraṃ bhasmanā sadā| tilakaṃ vai dvijaḥ kuryāccandanena yadṛcchayā || kātyāyano'piūrdhvapuṇḍraṃ mṛdā kuryāddrasmanā tu tripuṇḍrakam | ubhayaṃ candanenaiva abhyaṅgotsavarātriṣu || pārijātesnātvā puṇḍraṃ mṛdā kuryāddhutvā caiva tu bhasmanā | devānabhyarcya gandhena jalamadhye jalena tu || ācāratilakebrāhmaṇānāṃ nṛpāṇāṃ ca bhasmamiśraṃ ca candanam | athordhvapuṇḍravidhiḥ | tatra mṛdaḥ, bhāratejāhnavītīrasambhūtāṃ mṛdaṃ mūrdhnā bibharti yaḥ | bibharti rūpaṃ so'rkasya tamonāśāya kevalam