Acarendu 5.p3

5.p3

ārdravastraṃ tu gṛhe ūrdhvamārgeṇa niṣkāśanīyaṃ nadyāṃ tvadhastyajet | ūrdhvamuttārayedvastraṃ gṛhe nadyāmadhastyajet | iti baudhāyanokteḥ | jābāliḥniṣpīḍitaṃ dhautavastraṃ yadā skandhe vinikṣipet | tadāsuraṃ bhavetkarma punaḥ snānaṃ viśodhanam || vastraṃ caturguṇīkṛtya niṣpīḍya sadaśaṃ 1 tathā | vāmaprakoṣṭhe nikṣipya sthalasthaśca dvirācamet || vastraṃ dviguṇītaṃ yastu niṣpīḍayati mandadhīḥ | vṛthā snānaṃ bhavettasya snātasya daśadhā'mbuni || śuṣkavastradhāraṇānantaraṃ samantramārdravastraniṣpīḍanaṃ śākhāntaraviṣayam | āśvalāyanānāṃ tu snānānantaramārdravastraṃ samantraṃ niṣpīḍya śuṣkavastraṃ dhārayediti gṛhyapariśiṣṭa uktavāttaistathaiva kartavyamācāryokteḥ prābalyāditi prayogapārijāte| kamalākarāhnikegṛhe hyadhodaśaṃ pīḍyaṃ nadyāmūrdhvadaśaṃ tathā || iti| vidhānapārijāteadhautaṃ kārudhautaṃ ca pūrvedyurdhautameva ca| apsu yatpīḍitaṃ vastraṃ tattyājyaṃ sarvathā dvijaiḥ|| kātyāyanastupūrve'hni dhautaṃ kārpāsaṃ daive pitrye ca karmaṇi| grāhyaṃ śuddhaṃ vijānīyāttadanyatkṣālanācchuci || ityāha | tadanyadinadvayātpūrvaṃ dhautamityartha iti prayogacintāmaṇau sa evapaṭṭavastraṃ kambalaṃ ca dhautamaṣṭadināvadhi| śuddhaṃ tadanyathā'śuddhaṃ punaḥ prakṣālanācchuci || bhṛguḥśrautaṃ smārtaṃ tathā karma na nagnaścintayedapi