Acarendu 8.p22

8.p22

śaṅkhaḥkuśacarmasamāsīnaḥ kuśottarāyāṃ vā kuśapavitrapāṇiḥ sūryābhimukho devatāṃ dhyāyañjapaṃ kuryāditi| niṣiddhānyāha pracetāḥgośakṛnmṛnmayaṃ bhinnaṃ tathā pālāśapippalam | lohabaddhaṃ sadaiva''rkaṃ varjayedāsanaṃ budhaḥ || vyāsaḥ-vaṃśāsane tu dāridryaṃ pāṣāṇe vyādhijaṃ bhayam | dharaṇyāṃ duḥkhasambhūtirdāairbhāgyaṃ chidradāruje || tṛṇe dhanayaśohāniḥ pallave cittavibhramaḥ || smṛtyantaremṛgacarma prayatnena varjayetputravān gṛhī || upaveśanamantrastu pariśiṣṭamate vyāhṛtiḥ| gāyatrīkalpe tu mantrāntaramuktam - pṛthvi tvayā dhṛtā lokā ityādi| anayoḥ samuccaya iti prāyogikāḥ| ubhayorekakāryatvānna samuccaya ityanye | ācārārke tu vyāhṛtibhirupaveśanottaraṃ pṛthvi tvayeti mantrapāṭha uktaḥ sa kimmūlaka iti na vidmaḥ| upaveśanaṃ tūpasthāsaneneti pūrvamuktam | vāyupurāṇe tupadmamardhāsanaṃ vā'pi tathā svastikamāsanam | eṣāṃ lakṣaṇāni kaurmeūrvorupari viprendra kṛtvā pādatale ubhe | samāsītā''tmanaḥ padmametadāsanamuttamam || ekaṃ pādamathaikasminvinyasyoruṇi sattama | āsīno'rdhāsanamidaṃ yogasādhanamuttamam || ubhe kṛtvā pādatale jānūrvorantareṇa hi | samāsītā''tmanaḥ proktamāsanaṃ svastikaṃ param || iti| ṣaḍaṅganyāsamantreṣu pratimantramādau pāribhāṣikaḥ praṇava uccāryaḥ | pārijāte'pyevam | śakteḥ ṣaḍaṅgamudrā mahodadhauhṛdyaṅgulītrayaṃ nyasyettarjanyādidvaye tu ke | śikhāpradeśe'thāṅguṣṭha daśāṅgulyastu varmaṇi || hṛdnetraṃ pūrvamastraṃ śakteraṅgasya mudrikāḥ || pūrvamastraṃ viṣṇorastratulyaṃ tacca tatraivaprasāritābhyāṃ hastābhyāṃ kṛtvā 1tālatrayaṃ sudhīḥ | tarjanyaṅguṣṭhayoragre sphālayan bandhayeddiśaḥ || iti| mantradevatāṃ dhyātvetyuktaṃ taddhyānamuktaṃ pariśiṣṭa eva| atha devatādhyānam | yā sandhyoktā saiva mantradevatā khalūpāsyate tāṃ sarvadaikarūpāṃ dhyāyedanusandhyamanyānyarūpaṃ vā| yadaikarūpāmṛgyajuḥsāmatripadāṃ tiryagūrdhvādharadikṣakakṣaṃ pañcaśīrṣāgnimukhāṃ brahmaśirasaṃ viṣṇuhṛdayāṃ rudraśikhāṃ pṛthivīyoniṃ daṇḍakamaṇḍalvakṣasūtrābhayakarāṃ caturbhujāṃ śubhravarṇāṃ śubhrāmbarānulepanasragābharaṇāṃ śaraccandrasahasraprabhāṃ sarvadevamayīmimāṃ devīṃ gāyatrīmekāmeva tisṛṣu sandhyāsu dhyāyedatha yadi bhinnarūpāṃ tāṃ prātarbālāṃ bālādityamaṇḍalamadhyasthāṃ raktavarṇāṃ raktāmbarānulepanasragābharaṇāṃ caturvaktrāmaṣṭanetrāṃ daṇḍakamaḍalrvakṣasūtrābhayāṅkacaturbhujāṃ haṃsāsanārūḍhāṃ brahmadevatyāmṛgvedamudāharantīṃ bhūrlokādhiṣṭhātrīṃ gāyatrīṃ nāma devatām | atha madhyandine tāṃ yuvatīṃ yuvāhityamaṇḍalamadhyasthāṃ śvetavarṇāṃ śvetāmbarānulepanasragābharaṇāṃ pañcavaktrāṃ prativaktraṃ trinetrāṃ candraśekharāṃ triśūlakhaṅgakhaṭvāṅgaḍamarvaṅkacaturbhujāṃ vṛṣabhāsanārūḍhāṃ rudradevatyāṃ yajurvedamudāharantīṃ bhuvarlokādhiṣṭhātrīṃ sāvitrīṃ nāma devatām | atha sāyaṃ tāṃ vṛddhāṃ vṛddhādityamaṇḍalamadhyasthāṃ śyāmavarṇāṃ śyāmāmbarānulepanasragābharaṇāmekavaktrāṃ dvinetrāṃ śaṅkhacakragadāpadmāṅkacaturbhujāṃ garuḍāsanārūḍhāṃ viṣṇudevatyāṃ sāmavedamudāharantīṃ svarlokādhiṣṭhātrīṃ sarasvatīṃ nāma devatāṃ