Acarendu 8.p38

8.p38

prajāpatirvā sarvāsāmagnivāgvādityabṛhaspativaruṇendraviśvedevā gāyatryuṣṇiganuṣṭubbahatīpaṅktitriṣṭubjagatyastisraṇāmādyānāṃ tu samastānāṃ prajāpatiḥ prajāpatirbṛhatī | sāvitryā viśvāmitraḥ savitā gāyatrī | śirasaḥ prajāpatirbrahmāgnivāgvādityā yajuśchandaḥ | āpo hi nava triśirāstvāṣṭraḥ | sindhudvīpo vā'mbarīṣa āpaṃ gāyatraṃ dvyanuṣṭubantaṃ pañcamī vardhamānā saptamī pratiṣṭhā | sūryaśca brahmā sūryamanyurmanyupatiḥ prakṛtiḥ | āpaḥ punantu viṣṇurāpo'ṣṭī| agniśca rudro'gnimanyumanyupatayaśca prakṛtiḥ| ṛtaṃ tṛcaṃ mādhucchandaso'ghamarṣaṇo bhāvavṛttamānuṣṭubham| jātavedase kaśyapo jātavedā agnistriṣṭup | tacchaṃyoḥ śaṃyurviśve devāḥ śakvarī | namo brahmaṇe prajāpatirviśve devā jagatī | ākṛṣṇena hiraṇyastūpaḥ savitā triṣṭup | haṃsaḥ śuciṣadvāmadevaḥ sūryo jagatī | udutyaṃ praskaṇvaḥ sūryo 1gāyatramantyāścatasrastriṣṭubhaḥ | citraṃ devānāṃ kutsaḥ sūryastriṣṭup | taccakṣurvasiṣṭhaḥ sūryaḥ pura-uṣṇik | devatāsmaraṇameva vā kuryādevamanyatra vyākhyātamiti | praṇavasya brahmā'gnirdaivī gāyatrī | vyāso'pipraṇavasya ṛṣirbrahmā gāyatrī chanda eva ca | devo'gniḥ sarvakarmādau viniyogaḥ prakīrtitaḥ || vacanāntare tu paramātmā devatoktā paraṃ tu gāyatrīhṛdaya uktapariśiṣṭe cāgnidaivatokterāśvalāyanairagnidaivataivoccāryā | kamalākaranṛsiṃhāvapyevamūcatuḥ | saptavyāhṛtiṛṣyādiviṣaye vacanāntaramviśvāmitro jamadagnirbharadvājo'tha gautamaḥ | ṛṣiratrirvasiṣṭhaśca kaśyapaśca yathākramāt || iti| atra vyāhṛtīnāṃ saptānāṃ viśvāmitrabhṛgubharadvājavasiṣṭha2gotamakaśyapāṅgirasā iti kvacitpāṭhaḥ pariśiṣṭapustakāntare dṛśyate paraṃ tu vacanāntaraikavākyatayā''cārādibahugranthānurodhācca pūrvapāṭha eva samīcīnaḥ | sūryaścetyasya brahmā ṛṣiḥ prakṛtiścanda āpo devateti