Nityacarapradipa 1.p172

1.p172

iti| śatabhiṣāyuktamāghadarśe śrāddhavidhānaṃ tad brāhmaṇasvādhikārārthaka'mityarthaḥ| evaṃ saure yad viśeṣavihitaṃ kṣatriyasya praśastam| paurṇamāsyantamāsakarttavyaṃ vaiśyasyādhikaphaladamityarthaḥ| hārītaḥ,2 māsi saṃvatsare caiva tithiyaidhaṃ yadā bhavet| tatrottarārsamā grāhyā pūrbvāt tasmānnimbucaḥ || māsāditithe varṣādititheśca daidhe yatkarmmārabdhavyaṃ tatkarmmayuktakālasya dinadvaye sambhava ityarthaḥ| vṛhadyājñavalkyaḥ, - karmmaṇo yasya yaḥ kālastatkālavyāpinī tithiḥ| tayā karmmāṇi kurvīta hrāsavṛddhī na kāraṇam || tathāca lakṣmīdharaḥ, - devapitṛkṛtyayoḥ pūrvāhnāparāhvayorvihitatvāt tatkāle vihitatithyādaraḥ| yattu varāhapurāṇe, - sā tithisradahorātraṃ yasyāmabhyudito raviḥ| varddhamānasya pakṣasya hrāse tvastamupasthite || iti varddhamānasya pakṣasyeti tithivṛddhāvityarthaḥ| tenodayakālīnā tithirahorātrakāryyakṣametyarthaḥ| evaṃ yāstamane tithiḥ sā tithikṣaye'horātrakāryyakṣametyarthaḥ| 'idañcopavāsādyahorātrasādhyakarmmaviṣayam| yatra tu4 yāṃ tithiṃ samanuprāpya udayaṃ yāti bhāskaraḥ| sā tithiḥ sakalā jñeyā snānadānajapādiṣu