Nityacarapradipa 1.p173

1.p173

dinadvaye karmmakālābhāve boddhavyam | dvaidhantu titherna yathākathañcit kintu trimuhūrttādirūpatvena | paiṭhīnasiḥ,– pakṣadbaye'pi tithaya stithiṃ pūrbvāṃ tathottarām | tribhirmuhūrttai rbidhyanti sāmānyo'yaṃ vidhiḥ smṛtaḥ || skānde,– nāgo dvādaśanār̤ībhirddik pañcadaśabhi stathā | bhūtāṣṭādaśanār̤ībhi dūṣayatyuttarāṃ tithim || caturddaśī pañcadaśī daśamī ca tathā tithiḥ | pūrvvāṃ tithiṃ dūṣayati tribhireva muhūrttakaiḥ || ekādaśīviṣaye tu nigame,-sarvvaprakāravedho'yamupavāsasya dūṣakaḥ | sārddhasaptamuhūrttaistu vedho'nyatra vratāntare || śivarātrijanmāṣṭamīviṣaye vedho vakṣyate | śrāvaṇyāṃ paurṇamāsyāṃ' vā pratipat ṣaṇmuhūrttakaiḥ | viddhā syācchandasāṃ tatropākarmmotsarjanaṃ bhavet || evaṃ dvaidhe nirṇayaḥ | nigamaḥ,— yugmāgniyugabhūteṣu ṣaṇmunyorvvasurandhrayoḥ | rudreṇa dvādaśīyuktā caturddaśyā ca pūrṇimā || pratipadāpyamāvāsyā tithyoryugmaṃ mahāphalam | etad vyastaṃ mahādoṣaṃ hanti puṇyaṃ purātanam