Nityacarapradipa 3.p30

3.p30

vyāsaḥ, — śiraḥ prāvṛtya kaṇṭhaṃ vā muktakacchaśikho'pi vā | akṛtvā pādayoḥ śaucamācānto'pyaśucirbhavet || tathā, — sopānatko jalastho vā muktakeśo'pi vā naraḥ | uṣṇīṣī vāpi nācāmed vastreṇāveṣṭya vā śiraḥ || 1gotamaḥ, — vāgyato hṛdayaspṛśastricaturvā apa ācāmet | 2tricaturveti bhāvaśuddhyapekṣayā | hṛdayagāminyo'paḥ | 3bhaviṣye, — samau ca caraṇau kṛtvā tathā baddhaśikho nṛpa | ghanāṅgulikaraṃ kṛtvā 4ekāgrasumanā dvijaḥ || nārasiṃhe, — dakṣiṇantu karaṃ kṛtvā gokarṇākṛtivat punaḥ | triḥ pived vīkṣitaṃ toyaṃ āsyaṃ dviḥ parimārjayet | dakṣa, — saṃhṛtyāṅguṣṭhamūlena dviḥ pramṛjyāt tato mukham | saṃhatābhistribhiḥ pūrvvamāsyamevamupaspṛśet