Nityacarapradipa 3.p31

3.p31

mukhaṃ saṃhatya 'pramṛjyāt | evam, - saṃhatyāsyamupaspṛśet | āpastambaḥ, - trirīṣṭhau parimṛjet dvirityeke | sakṛdupaspṛśet dvirityeke | dakṣiṇena pāṇinā savyaṃ prokṣya pādau śiraścendriyāṇyupaspṛśet | pādau śiraśca prokṣayedityanvayaḥ | sakṛdupaspṛśedoṣṭhāviti sambandhaḥ | oṣṭha'sargādanantaraṃ dakṣaḥ, - aṅguṣṭhena pradeśinyā ghrāṇaṃ paścādanantaram | aṅguṣṭhānāmikābhyāntu cakṣuḥ śrotre punaḥ punaḥ || nābhiṃ kaniṣṭhāṅguṣṭhābhyāṃ hṛdayantu talena vai | 3sarvābhistu śiraḥ paścād bāhū cāgreṇa saṃspṛśet || pradeśinī tarjanī | atra cāsyaṃ spṛṣṭvā paścād ghrāṇaṃ tadanantaraṃ cakṣuṣī punaḥ śrotre punarnābhimityarthaḥ | 4natu cakṣuḥśrotrayoḥ sparśanārhattiriti 'bhramaḥ kāryyaḥ | nābhisammarśānantaraṃ vyāsaḥ, - punarapaśca saṃspṛśet | hṛdayasparśānantaraṃ cāñcālambhādudakasparśanam | bhaviṣye, - yadbhūmāvudakaṃ vīra samutsṛjati mānavaḥ | vāsukipramukhān nāgān tena prīṇāti pārthiva || śiṣṭāḥ paṭhanti, - tāvanopaspṛśed vidvān yāvatsarvvena na spṛśet