Acaramayukha 1.p14
Ācāramayūkha 1.p14
- Language
- Sanskrit
1.p14
prātaḥ smarāmi gaṇanāthamanāthabandhuṃ sindūrapūrṇapariśobhitagaṇḍayugmam | uddaṇḍavighnaparikhaṇḍanacaṇḍadaṇḍamākhaṇḍalādisuranāyakavṛndavandyam || prātarnamāmi caturānanavandyamānamicchānukūlamakhilaṃ ca varaṃ dadhānam | taṃ tundilaṃ dvirasanādhipayajñasūtraṃ putraṃ vilāsacaturaṃ śivayoḥ śivāya || prātarbhajāmyabhayadaṃ khalu bhaktaśokadāvānalaṃ gaṇavibhuṃ varakuñjarāsyam | ajñānakānanavināśanahavyavāhamutsāhavardhanamahaṃ sutamīśvarasya || ślokatrayamidaṃ puṇyaṃ sadā sāmrājyadāyakam | prātarutthāya satataṃ yaḥ paṭhetprayataḥ pumān || sa sarvavyādhinirmuktaḥ paraṃ sukhamavāpnuyāt || prātaḥ smarāmi khalu tatsaviturvareṇyaṃ rūpaṃ hi maṇḍalamṛco yajuṣāṃ nidhānam
Linked texts (4)
- Vulgate (Nīlakaṇṭha's text) — Sanskrit
- Bhagavantabhāskara — Nīlakaṇṭha Dīkṣita 1625, Sanskrit
- Ācārabhūṣaṇa — Tryambaka rāma oka 1794, Sanskrit
- Ācārendu — Tryambaka Māṭe 1813, Sanskrit