Acarendu 2.p8
Ācārendu 2.p8
- Language
- Sanskrit
2.p8
prātarnamāmi caturānanavandyamānamicchānukūlamakhilaṃ ca varaṃ dadhānam | taṃ tundilaṃ dvirasanādhipayajñasūtraṃ 1devaṃ vilāsacaturaṃ śivayoḥ śivāya || 2|| prātarbhajāmyabhayadaṃ khalu bhaktaśokadāvānalaṃ suravaraṃ varakuñjarāsyam | ajñānakānanavināśanahavyavāhamutsāhavardhanamahaṃ sutamīśvarasya || 3|| ślokatrayamidaṃ puṇyaṃ sadā sāmrājyadāyakam | prātarutthāya satataṃ yaḥ paṭhetprayataḥ pumān || atha pārvatīśvarayoḥprātaḥ smarāmi śaradindukarojjvalābhāṃ sadratnavastrakarakuṇḍalahārabhūṣām | divyāyudhorjitasunīlasahasrahastāṃ raktotpalābhacaraṇāṃ bhavatīṃ pareśīm || 1|| prātarnamāmi mahiṣāsuracaṇḍamuṇḍaśumbhāsurapramukhadaityavināśadakṣām | brahmendrarudramunimohanaśīlalolāṃ caṇḍīṃ samastasuramūrtimanekarūpām || 2 || prātarbhajāmi bhajatāmabhilāṣadātrīṃ dhātrīṃ samastajagatāṃ duritāpahantrīm | saṃsārabandhanavimocanahetubhūtāṃ māyāṃ parāṃ samadhigamya parasya viṣṇoḥ|| 3|| ślokatrayamidaṃ devyāścaṇḍikāyāḥ paṭhennaraḥ | sarvānkāmānavāpnoti viṣṇuloke mahīyate
Linked texts (5)
- Durgārcanasṛti — Sanskrit
- Bhagavantabhāskara — Nīlakaṇṭha Dīkṣita 1625, Sanskrit
- Ācārabhūṣaṇa — Tryambaka rāma oka 1794, Sanskrit
- Ācāramayūkha — Nīlakaṇṭha Dīkṣita 1625, Sanskrit
- Ācārārka (Divākarabhaṭṭa) — Divākarabhaṭṭa 1686, Sanskrit