Acaramayukha 9.p14

9.p14

tasyārthaḥ-pūrvoktayathāṃpadānurodhādyathādhikārī bhavettathābravīdityarthaḥ | tathā- sarveṣāmeva pātrāṇāṃ varaṃ pātraṃ maheśvaraḥ | patantaṃ trāyate yasmādatīva narakārṇavāt || śivamuddiśya yaddattaṃ sarvakāraṇakāraṇam | tadanantaphalaṃ dāturbhavatīti kimadbhutam || dattvā naivedyavastrādīnnādadīta kadācana | tyaktavyaṃ śivamuddiśya tadbhā''dāne na tatphalam || ādāne grahaṇe | śivadharme-tasmātpuṣpaiḥ phalaiḥ patraistoyairapi ca yatphalam | tadanantaphalaṃ jñeyaṃ bhaktirevātra kāraṇam || tatraiva- liṅgānulepanaṃ kāryaṃ divyagandhaiḥ sugandhibhiḥ | varṣakoṭiśataṃ divyaṃ śivaloke mahīyate || śivadharme-tasmātpuṣpapradānena liṅgeṣu pratimāsu ca | aśītivarṣakoṭīnāṃ durgatiṃ na naro vrajet || skānde-śuṣkāṇyapi ca patrāṇi śrīvṛkṣasya sadaiva hi || pradātavyānīti śeṣaḥ | bhaviṣye-dhattūrakaiśca yo liṅgaṃ sakṛtpūjayate naraḥ | sa godānaphalaṃ prāpya śivaloke mahīyate || [ vilvapatrairakhaṇḍaiśca liṅgaṃ pūjayate sakṛt | sarvapāpavinirmuktaḥ śivaloke mahīyate || ] tathā- sarvakāmapradaṃ vilvaṃ dāridryasya vināśanam | bilvapatrātparaṃ nāsti yena tuṣyati śaṃkaraḥ || tathā- keśakīṭādividdhāni niśi paryuṣitāni ca | svayaṃpatitapuṣpāṇi tyajetparahṛtānyapi || tathā- devadārusametaṃ ca sarjaśrīvāsakundurum | śrīphalaṃ cājyasaṃmiśraṃ dagdhvā''pnoti parāṃ gatim || sarjaḥ śālarasaḥ | śrīvāsaḥ saraladravaḥ | kunduruḥ śaileyamiti smārtaḥ | sallakīniryāsa iti dāmodaraḥ | ebhyaḥ saugandhikaṃ dhūpaṃ ṣaṭsahasraguṇottaram