Acararka (Divakarabhatta) 5.1-5.5

5.1-5.5

rdharcaśaḥ sarvāṃ sāvitrīṃ trirvadedatha ṛgvidhāne agnimīḷe japetsūktaṃ pāpaghnaṃ śrīkaraṃ param pārāyaṇaphalaṃ tasya devānāṃ syātsa hastaśa iti atha brahmayajñaprayogaḥ vedapuruṣāya nama iti pradakṣiṇīkṛtyāsane upaviśya dvirāmacamya prāṇānāyamya mamopāttaduritakṣayadvārā śrīparameśvaraprītyarthaṃ brahmayajñena yakṣye iti saṃkalpya pṛthivīti maṃtra vyahṛdasividyame pāpmānamamṛtātsatyamupaimīti maṃtreṇāpa upaspṛśya vāmajānūpari dakṣiṇaṃ pādaṃ nidhāya sthalasaṃkoce vāmapādopari dakṣiṇāṃguṣṭhaṃ nidhāya dakṣiṇajānuni kuśapavitradarbhaṃ prāgaṃgulisamuttānaṃ savyapāṇiṃ nidhāya tadupari dakṣiṇaṃ pāṇiṃ prāgaṃgulimeva̍nyaṃcaṃ nidhāya vyāhṛtipūrvāṃpacchorddharcaśaḥ sarvāṃ sāvitrīṃ paṭhitvā oṃ bhūrbhuvaḥ svaḥ tatsaviturvareṇyaṃ || bhargo devasya dhīmahi || dhiyo yo naḥ pracodayāt || oṃ tatsaviturvareṇyaṃ bhargo devasya dhīmahi || dhiyo yo naḥ pracodayāt || oṃ tatsaviturvareṇyaṃ bhargo devasya dhīmahi dhiyo yo naḥ pracodayāt || oṃ agnimīḷe purohitaṃ yajñasya devamṛtvijaṃ || hotāraṃ ratnadhātamaṃ || agniḥ pūrvebhirṛṣibhirīḍyo nūtanairuta || sa devām̐ eha vakṣati || agninā rayimaśnavatpoṣameva dive dive || yaśasaṃ vīravattamaṃ || agne yaṃ yajñamadhvaraṃ viśvataḥ paribhūrasi || sa iddeveṣu gacchati || agnirhotā kavikratuḥ satyaścitraśravastamaḥ || devo devebhirāgamat