Smritiratnakara 4.p19.6

4.p19.6

pāṇibhyāṃ pātramādāya bhāskaraṃ manasā smaret || punardīpamasau dṛṣṭvā taccheṣaṃ bhojayennaraḥ | punarannaṃ na bhoktavyaṃ bhuktvā cāndrāyaṇaṃ caret || yājñavalkyaḥ-nāśrīyādbhāryayā sārdhamannaṃ cāpi viśeṣataḥ | na bhāryādarśaneśrīyānnaikavāsāśca saṃviśet || saṃgraheekapaṃktau tu bhuñjāna ucchiṣṭaṃ spṛśate yadi | dvau viprau visṛjedannaṃ bhuktvā cāndrāyaṇaṃ caret || atrāyaṃ vivekaḥ | mithaḥ sparśe tadannamatyajannityuktaṃ draṣṭavyam, bhuktipātrecchiṣṭasparśe tu dvau viprau visṛjedannamityuktaṃ grāhyam, anyatarasyocchiṣṭasparśābhāve tatpātraṃ parihṛtya ceṭyuktaṃ kartavyamiti | parāśaraḥ-sakṛtkṛcchrī dvijo gatvā caretkṛcchrāṇi viṃśatim | tathaiva kuryātkṛcchrāṇi vṛṣalīsahabhojane || idamabhyāsaviṣayam | śātātapaḥ--yadā bhojanakāle tu hyaśucirbhavati dvijaḥ | bhūmau nidhāya taṃ grāsaṃ jñātvā vipro viśudhyati || viśudhyatyupavāsena trirātreṇaiva bhojane | aśuciḥ śvādisparśanena śvaśūdrādisparśanena ca grāsanidhānajñānācchuddhiḥ | mukhasthagrāsabhojane trirātreṇeti vivekaḥ | parāśaraḥ-ekapaṃktyupaviṣṭānāṃ viprāṇāṃ sahabhojane | yadyekopi tyajetpānnaṃ śeṣamannaṃ na bhojayet || mohādbhuñjīta cedvipraḥ paṃktayāmucchiṣṭabhojanam | prāyaścittaṃ caredvipraḥ kṛcchraṃ sāntapanaṃ smṛtam || ekapaṃktyupaviṣṭānāṃ viṣamaṃ yaḥ prayacchati | yaścaivāśnāti viṣamaṃ kuryādbrahmahaṇo vratam || etaccirābhyāsaviṣayam | paṃktibhedī pṛthakpākī nityaṃ brāhmaṇanindakaḥ | ādeśī vedavikreyī pañcaite brahmapātakāḥ ||