Smritiratnakara 4.p19.7

4.p19.7

paṃktibhedī viṣamadātā, pṛthakpākī svaspānyeṣāṃ ca śrāddhyākṣādhyavastubhedapākakaraḥ, brāhmaṇanindakaḥ śrotriyo vā aśrotriyo vā tamapi na nindet | ādeśī-yamicchennarakaṃ gantuṃ saputrapaśubāndhavam | taṃ deveṣvadhipaṃ kuryādvipreṣu ca brāhmaṇeṣu ca || ityuktaḥ | vedavikreyī-prakhyāpanaṃ prādhyayanaṃ praśnapūrvapratigrahaḥ | yājanādhyāpane vādaḥ paḍvidho vedavipāṭhe ekasyāṃ paṃktau pārśvasthe ācānte na bhoktavyaṃ bhasmodakādivicchedena vinā | pṛthā devatādyuddeśamantareṇa sādhitāḥ | ( kṛsarasaṃyāvapāyasāpūpaśaṣkulīrvarjayet ) kṛsaraḥ tilamiśraguḍaḥ, tilamudgasiddhaudanaśca | saṃyāvaḥ kṣīraguḍaghṛtādikṛta ulkārikārayaḥ | śaṣkulī apūpabhedaḥ | anena devānnasya manvādibhirvarjyatvasmaraṇaṃ devatārthatvena sādhitānniveditaviṣayam, na niveditaviṣayam, tasya bhojyatvāt || " viṣṇornāttamaśnanti " iti śruteḥ | candrikāyām-hṛdi rūpaṃ mukhe nāma naivedyamudare hareḥ | pādodakaṃ ca nirmālyaṃ yasya mūrdhni sa vaiṣṇavaḥ || iti | naivedyamannaṃ tulasīvimiśritam | iti ca | pārvatīṃ prati rudraḥ-guroḥ svasya yaducchiṣṭaṃ bhojyaṃ taccucchiṣyayoḥ | sarveṣāṃ ca gurorviṣṇorannādyaṃ ca niveditam || anyeṣāṃ na pradātavyaṃ ucchiṣṭaṃ himavatsute | ajñānādyadi dadyāttu saha bhojanameva tat || ṣaṇmukhaṃ prati rudraḥ-durlabho bhagavadbhakto bhāṣo vai yasya tattvataḥ | pādodakaṃ prati śubhaṃ śuddhānne ca nivedite || sragādikaṃ copabhuṃkte hyupabhogārthameva ca | ataśca bhāvahīnānāmabhaktānāṃ ca ṣaṇmukha || niṣiddhaṃ bhagavanmantrahakkūpatamakhilaṃ hi yat |