Vishveshvaripaddhati 7.4.6

7.4.6

[ parapākanivṛttasya parapākaratasya ca
apacasya yadannaṃ tu bhuktvā cāndrāyaṇaṃ caret
gṛhītvā'gniṃ samāropya pañca yajñānnirvapet
parapākanivṛtto'sau munibhiḥ parikīrtitaḥ
pañca yajñāṃścayaṃ kṛtvā parānnamupajīvati
satataṃ prātarutthāya parapākaratastu saḥ
gṛhasthadharmavṛtto yo dānena parivarjitaḥ
ṛṣibhirdharmatattvajñairapacaḥ parikīrtitaḥ
atra bhikṣāpraśaṃsā pūrvavat ]( +idānīṃ bhikṣāpraśaṃsāna bhikṣāyāṃ bhaveddoṣo naiva bhikṣā pratigrahaḥ
somapānasamā bhikṣā tasmādaharahaścaret
bhikṣā mādhūkarī nāma sarvapāpapraṇāśanī
avadhūtā ca pūtā ca somapānaṃ dine dine
śrotriyānnaṃ ca bhaikṣaṃ ca hutaśeṣaṃ tu yaddhaviḥ
nakhāgrācchodhayetpāpaṃ tupāgniriva kāñcanam
gaṅgāyāḥ salilaṃ puṇyaṃ śālagrāmaśilā tathā
bhikṣānnaṃ pañcagavyaṃ ca pavitrāṇi yuge yuge
kaṇvaḥ-abbinduṃ yaḥ kuśāgreṇa māsi māsi samaśnute
nirapekṣastu bhikṣāśī sa tu tasmādviśiṣyate
taptakāñcanavarṇena gavāṃ mūtreṇa yāvakam
pibeddvādaśa varṣāṇi na tadbhaikṣasamaṃ bhavet
śākabhakṣāḥ payobhakṣā ye ca yāvakabhakṣakāḥ
sarve te bhaikṣabhakṣasya kalāṃ nārhanti ṣoḍaśīm
śrutirapi-“ kāmakrodhalobhamohadambhadarpāhaṃkāramamakārānṛtādīṃstyajet | [ ā0 4 ] caturṣu varṇeṣu bhaikṣaṃ caredabhiśastapatitavarjaṃ pāṇipātre'śanaṃ kuryādauṣadhavatprāśnīyātprāṇasaṃdhāraṇārthaṃ yathā medovṛddhirna jāyate'raṇyaniṣṭho bhikṣārthī grāmaṃ praviśet [ kāṭhakabrā0 ] |) idānīṃ yatibhiraśanavasanādicintā na kāryā | kiṃ prārabdhakarmaṇāmavaśyaṃbhāvitvādityāhadevatvamatha mānuṣyaṃ paśutvaṃ pakṣinā yathā
tiryaktvaṃ sthāvaratvaṃ ca yāti jantuḥ svakarmabhiḥ