Vishveshvaripaddhati 7.4.7

7.4.7

anyathā cintitā hyarthā narairāśāparāyaṇaiḥ
anyathaiva hi gacchanti daivāditi matirmama
karmadāyādavāṃllokaḥ karmasaṃbandhibāndhavāḥ
karmāṇi codayantīha puruṣaṃ sukhaduḥkhayoḥ
yadyāvadyādṛśaṃ yena kṛtaṃ karma śubhāśubham
vattāvattādṛśaṃ tasya phalamīśaḥ prayacchati
yasyāṃ yasyāmavasthāyāṃ yadyatkarma purā kṛtam
tasyāṃ tasyāmavasthāyāṃ tattatphalamupāśnute
janmajanmamabhyastaṃ dānamadhyayanaṃ tapaḥ
tenaivābhyāsayogena tatraivābhyasate punaḥ
viśveśvarasarasvatīkṛtaḥnātyaktvā sukhamāpnoti nātyaktvā vindate param
nātyaktvā nirbhayaḥ śete sarvaṃ tyaktvā sukhī bhavet
yato yato nivarteta vimucyeta tatastataḥ
nivartanāddhi sarvatra sukhamakṣayamaśnute
tyajataḥ saṃcayānsarvānyānti nāśamupadravāḥ
na hi saṃcayavānkaściddṛśyate nirupadravaḥ
nātaḥ sukhataraṃ kiṃcitriṣu lokeṣu vidyate
vītatṛṣṇasya kāmebhyo muktasaṅgasya yatsukham
nānyatra vidyātapaso nānyatrendriyanigrahāt
nānyatra sarvasaṃnyāgānna mokṣaṃ vindate param
na jātu kāmaḥ kāmānāmupabhogena śāmyati
haviṣā kṛṣṇavartmava bhūya evābhivardhate
sarvatra saṃpadastasya saṃtuṣṭaṃ yasya mānasam
upānadgūḍhapādasya nanu carmāvṛteva bhūḥ
akiṃcanasya dāntasya śāntasya samacetasaḥ
mayā saṃtuṣṭamanasaḥ sarvāḥ sukhamayā diśaḥ
dānamijyā tapaḥ śaucaṃ tīrthaṃ vedāḥ śrutaṃ tathā
aśāntamanasaḥ puṃsaḥ sarvametadapārthakam
śamārthe sarvaśāstrāṇi vihitāni manīṣibhiḥ
tasmātsa sarvaśāstrajño yasya śāntaṃ manaḥ sadā
cīravāsā jaṭī vā'pi tridaṇḍī muṇḍa eva ca
vṛthā kleśāya viprendra yasya śāntaṃ na mānasam
yadi yāsi mahīrandhraṃ brahmalokamathāpi vā