Danamayukha 2.p9.8

2.p9.8

apsarasāmaitaśa ṛṣyaśrṛṅgo gandharvāpsaraso'nuṣṭup| apsarasāṃ gandharvāṇām | brahmasomamadhye skandanandīśvaraśūlamahākālān | kumāraṃ kumāraḥ skandastriṣṭup | aditirhyajaniṣṭa | brahmendramadhye durgāṃ viṣṇuṃ ca | tāmagnivarṇāṃ saubhārirdurgā triṣṭup| udīratām| sūnṛtāḥ| brahmayamamadhye mṛtyurogān | paraṃ mṛtyoḥ saṅkusuko mṛtyurogāstriṣṭup | oṃ paraṃ mṛtyo anuparehi | brahmanirṛtimadhye gaṇapatim | gaṇānāṃ tvā gṛtsamado gaṇapatirjagatī | oṃ gaṇānāṃ tvā | brahmavaruṇamadhye apaḥ| śanno'mbarīṣasindhudvīpa āpo gāyatrī | oṃ śanno devīḥ| brahmavāyumadhye marutaḥ| maruto yasya rāhūgaṇo gautamo maruto gāyatrī | oṃ maruto yasya | brahmaṇaḥ pādamūle karṇikādhaḥ pṛthvīṃm | syonā medhātithirbhūmirgāyatrī | oṃ syonā pṛthivi | tatraiva gaṅgādinadyaḥ | imaṃ me sindhukṣit praiyamedho gaṅgāyamunāsarasvatyo jagatī | imaṃ me gaṅge yamune | tatraiva sapta sāgarān | dhāmno dhāmno rājantito varuṇa no muñca | yadāpo aghnyā iti varuṇeti śapāmahe tato varuṇa no muñca | mayi vāyo moṣadhīrhiṃsīrato viśvadhā bhūstveto varuṇa no muñca | tadupari meruṃ nāmnā | bāhye somādisamīpe krameṇāyudhāni | gadāṃ triśūlaṃ vajraṃ śaktiṃ daṇḍaṃ khaḍgaṃ pāśam | aṅkuśam | tadbāhye uttarāditaḥ | gautamaṃ bharadvājaṃ viśvāmitraṃ kaśyapaṃ jamadagniṃ vasiṣṭham | atrim | arundhatīm | tadbāhye pūrvādi aindrīṃ kaumārīṃ brāhmīṃ vārāhīṃ cāmuṇḍāṃ vaiṣṇavīṃ māheśvarīṃ vināyakīm | ityaṣṭau śaktayaḥ | etāḥ pratiṣṭhāpya pratyekaṃ saha vā pūjayet |