Danamayukha 3.p90.1

3.p90.1

phalavajrayukto yāmyena gomedakapuṣparāgaiḥ paścācca gārutmatanīlaratnaiḥ saumyena vaiḍūryasarojarāgaiḥ || sarojarāgaḥ padmarāgaḥ | muktāphalādīni pūrvādidigavasthitarajataśṛṅgeṣu niveśyāni|mandaraḥ, śrīkhaṇḍakhaṇḍairabhitaḥ pravālalatānvitaḥ śuktiśilātalaḥ syāt brahmā ca viṣṇurbhagavān purārirdivākaro yatra hiraṇmayaḥ syāt || mūrddhavyavasthāgatamatsareṇa kāryāstvaneke ca tathā dvijaughāḥ | brahmādipratimā brahmāṇḍadāne | dvijāḥ pakṣiṇo munayaśca haimāḥ || anekapadasvarasāditi madanaḥ | catvāri śṛṅgāṇi ca rājatāni nitambabhāge'pi ca rajatataḥ syāt || ārdvekṣuvaṃśāvṛtakandarastu ghṛtodakaprasravaṇaśca dikṣu | śuklāmbarāṇyambudharāvalī syāt pūrveṇa pītāni ca dakṣiṇe syāt || vāsāṃsi paścādatha karburāṇi raktāni caitrottarato ghanālī || ārdvekṣava eva vaṃśāḥ | ghṛtamevodakam | śuklāṇyambarāṇyeva meghāvalī | raupyānanmahendrapramukhānathāṣṭau saṃsthāpya lokādhipatīn krameṇa || mahendrādilakṣaṇaṃ tulādāne | nānāphalālī ca samantataḥ syānmanoramaṃ mālyavilepanaṃ ca vitānakaṃ copari pañcavarṇamamlānapuṣpābharaṇaṃ sitaṃ ca || itthaṃ niveśyā'maraśailamagryaṃ merostu viṣkambhagirīn krameṇa | turīyabhāgena caturddiśaṃ tu saṃsthāpayet puṣpavilepanāḍhyān || prativiṣkambhaparvatam | turīyāṃśena caturthāṃśena viṣkambhaparvatān kārayet | pṛthagiti lavaṇācale vakṣyamāṇatvāditi madanaḥ | vāstavaṃ tu ekenaiva caturthāṃśena catvāro'pi viṣkambhaparvatāḥ kāryā iti tatraiva vakṣyate|