Danamayukha 3.p90.2
Dānamayūkha 3.p90.2
- Language
- Sanskrit
3.p90.2
pūrveṇa mandaramanekaphalaiśca yuktaṃ yuktaṃ gaṇaiḥ kanakabhadrakadambacihnam kāmena kāñcanamayena virājamānamākārayet kusumavastravilepanāḍhyam||kṣīrāruṇodasarasī ca vanena caiva raupyeṇa śaktighaṭitena virājamānam || kāmarūpamāha viśvakarmā | cāpabāṇadharaḥ kāmo ratipreyān sumadhyamaḥ| ālāpī nandane rāgī rūpavān viśvamohaka iti || traihamerusannidhānāddhānyāntarānupadeśācca mandaro'pi vrīhimaya eveti madanaḥ | tatra, viṣkambhaparvataṃ caiva yavaiḥ kuryāttu pūrvata iti brahmāṇḍokteḥ||gaṇairiti narākṛtibhistribhirgaṇairyuktam| kapiñjalavat | kanaketi kanakanirmito bhadrakandaraḥ | tadrūpaṃ prayoge jñeyam | kṣīreti | kṣīracūrṇena raupyeṇāruṇodākhyena sarasā raupyeṇa vanena ca virājamānam | yāmyena gandhamadanaśca niveśanīyo godhūmasañcayamayaḥ kaladhautajambvrā haimena yakṣapatinā ghṛtamānasena vastraiśca rājatavanena ca saṃyuktaḥ syāt || kaladhautajambvrā haimajambūṭakṣeṇa | yakṣapatirūpaṃ hemādrau śrīpraśne|hrasvamāpiṅganetraṃ ca gadinaṃ pītavigraham | puṣpakasthaṃ dhanādhyakṣaṃ dhyāyecchivasakhaṃ sadeti || saghṛtena rājatena mānasasarasā | paścāt tilācalamanekasuvarṇapuṣpasauvarṇapippalahiraṇmayahaṃsayuktam | ākārayedrajatapuṣpamayena tadvadvastrānvitaṃ dadhisitodasarastathāgre || ākārayet kuryāt | dadhīti sadadhirājataṃ pātraṃ sitodākhyaṃ saraḥ | saṃsthāpya taṃ vipulaśailamathottareṇa śailaṃ supārśvamapi māṣamayaṃ savastram | puṣpaiśca hemavarapādapaśekharaṃ tamārakārayet kanakadhenuvirājamānam ||
Linked texts (6)
- Padmapurāṇa — Vyāsa, Sanskrit
- Matsyapurāṇa — Vyāsa, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Dānasāgara — Ballālasena, Sanskrit
- Dānakhaṇḍa — Hemādri, Sanskrit
- Dānakalpataru — Lakṣmīdhara, Sanskrit