Danamayukha 3.p90.3

3.p90.3

mākṣīkabhadrasarasā ca vanena tadvadraupyeṇa bhāskaravatā ca yutaṃ vidhāya||saṃsthāpyeti śailāntaṃ pūrvoktatilācalā'nuvādakam|athetyādiḥ punaḥ pārśvavidhiḥ | mākṣīketi | samadhurūpabhadrākhyasarasetyarthaḥ | homaścaturbhiratha vedapurāṇavidbhirdānairanindyacaritaḥ kṛtibhirdvijendraiḥ | pūrveṇa hastamitamatra vidhāya kuṇḍaṃ kāryaṃ tilairyavaghṛtena samitkuśaiśca || brahmāṇḍe, indrādyā lokapālāśca teṣāṃ homo vidhīyate | talliṅṅgaiścaiva mantraiśca samidbhirathavā tilaiḥ || pauruṣeṇa tu sūktena brahmādīnāṃ vidhīyate | tathā vyāhṛtibhirhomastilaurājyena caiva hi || aṣṭaśataṃ tu hotavyaṃ sarvakāmasamuddhaya iti || vasurudrādisamuccayako lokapālāśceti cakāraḥ | grahādikāmadhenvantānāmaśītidevatānāṃ tilayavaghṛtaudumbarasamitkuśaiḥ pañcabhirdravyaiḥ pṛthaktrayodaśasaṃkhyayā homa iti tripañcāśadadhikaṃ sahasraṃ sarvā āhutaya iti dānaviveke | tanna | tilairyavaghṛtena samitkuśairiti pṛthak samastayā ca tṛtīyayā sādhanavaiṣamyāt || samitkuśairiti dvandvopekṣayā karmadhārayasya laghutvāt | brahmāṇḍavacovirodhāttripañcāśadadhikasahasrasaṃkhyayā pracayaśiṣṭāyāḥ kathamapyasaṅgateśca | samidhaśca kuśā iti karmadhārayaḥ | tena tilānāṃ pṛthaksādhanatā yavaghṛtayorvyāsaktā | samastayostṛtīyāśruteḥ | kuśānāṃ tu pṛthagiti trīṇyeva homasādhanāni |