Kalamayukha 4.p29

4.p29

chatrasyayathā'mbudaśchādayati śivāyaimāṃ vasundharām | tathā chādaya rājānaṃ vijayārogyavṛddhaye || cāmarasyaśaśāṅkakarasaṅkāśa kṣīraḍiṇḍīrapāṇḍura | protsārayāśu duritaṃ cāmarā'marabhūṣaṇa || dhvajasyaśakraketo mahāvīrya suparṇastvayyupāśritaḥ | patatrirāḍvainateyastathā nārāyaṇadhvajaḥ || kāśyapeyo'mṛtahartā nāgārirbalavāhanaḥ | aprameyo durādharṣo raṇe devārisūdanaḥ || garutmānmārutagatistvayi sannihitaḥ sthitaḥ | śastravarmāyudhānyodhān rakṣa tvaṃ ca ripūndaha || 'patākāyāḥhutabhugvasavo rudrā vāyuḥ somo maharṣayaḥ | nāgakinnaragandharvā yakṣabhūtagaṇā grahāḥ || pramathāśca sahā''dityairbhūteśā mātṛbhiḥ saha | śakrasenāpatiḥ skando varuṇaścāśritāstvayi || pradahantu ripūnsarvān rājā vijayamṛcchatu | yāni prayuktānyaribhirdūṣaṇāni samaṃtataḥ || etāni sarvaśatrūṇāṃ hatāni tava tejasā | kālanemivadhe yadvadyadvadvipuraghātane || hiraṇyakaśiporyuddhe yuddhe devāsure tathā | śobhitāsi tathaivādya śobhasva samayaṃ smara || nīlāmbarāmimāṃ dṛṣṭvā naśyantvā'śu mamārayaḥ | dundubheḥdundubhe tvaṃ sapatnānāṃ ghoṣāddhṛdayakampanaḥ | bhava bhūmipasainyānāṃ tathā tvaṃ jayavardhanaḥ || yathā jīmūtaghoṣeṇa prahṛṣyanti subarhiṇaḥ | tathā'stu tava śabdena harṣo'smākaṃ jayāvahaḥ || śaṅkhasyapuṇyastvaṃ śaṅkha puṇyānāṃ maṅgalānāṃ ca maṅgalam | viṣṇunā vidhṛto nityamataḥ śāntiṃ prayaccha me