Kalamayukha 4.p30

4.p30

śivikāndolikayoḥmahendranirmite divye devarājādisevi te | śibike pāhi māṃ nityaṃ sadā tvaṃ sannidhau bhava || siṃhāsanasyavijayo jayado jetā ripughātī śubhaṅkaraḥ | duḥkhahā dharmadaḥ śāntaḥ sarvvāriṣṭavināśanaḥ || ete vai sannidhau yasmāttava siṃhā mahābalāḥ | tena siṃhāsaneti tvaṃ vedairmantraiśca gīyase || tvayi sthitaḥ śivaḥ sākṣāttvayi śakraḥ sureśvaraḥ | tvayi sthito harirdevastvadarthaṃ tapyate tapaḥ || namaste sarvatobhadra bhadrado bhava bhūpateḥ | trailokyaṃ jaya sarvatra siṃhāsana namo'stu te || aśvasya-gandharvvakulajātastvaṃ mā bhūyāḥ kuladūṣakaḥ | brahmaṇaḥ satyavākyena somasya varuṇasya ca || tejasā caiva sūryyasya munīnāṃ tapasā sadā | rudrasya brahmacaryeṇa pavanasya balena ca || prabhāvācca hutāśasya varddhasva tvaṃ turaṅgama | smara tvaṃ rājaputro'si kaustubhaṃ ca maṇiṃ smara || surāsurairmathyamānakṣīrodādamṛtādibhiḥ | jāta uccaiḥśravāḥ pūrvaṃ tena jāto'si tatsmara || yāṃ gatiṃ brahmahā gacchedanmātṛhā pitṛhā tathā | bhūmyarthe'nṛtavādī ca kṣatriyaśca parāṅmukhaḥ || sūryyācandramasau vāyuryāvatpaśyanti duṣkṛtam | vrajāṃśca tāṃ gatiṃ kṣipraṃ tacca pāpaṃ bhavettava || vikṛtiṃ yadi gacchethā yuddhādhvani turaṅgama | ripūnvijitya samare saha bhartrā sukhī bhava || gajasya- kumudairāvaṇaḥ padmaḥ puṣpadanto'tha vāmanaḥ | supratīko'ñjano nīla ete'ṣṭau devayonayaḥ || teṣāṃ putrāśca pautrāśca vanānyaṣṭau samāśritāḥ | medro bhadro gajaścaiva rājasaṃkkīrṇa evaṃ ca