Kalamayukha 4.p9

4.p9

atra śakādiśravaṇamuktaṃ jyotiḥśāstreśakavatsarabhūpamantriṇāṃ rasadhānyeśvarameghapatīnām | śravaṇātpaṭhanācca vai nṛṇāṃ śubhatāṃ yātyaśubhaṃ saha śriyā || iti | caitrasya malamāsatve tailābhyaṅgaśakaśravaṇādi śuddha eva kāryam | yadyapi vatsaravasantayoḥ pravṛttirjātā tathāpi tatprayuktakṛtyamṣaṣṭyā tu divasairmāsaḥ kathito bādarāyaṇaiḥ | pūrvamarddha parityajya karttavyā cottare kriyā || iti vacanāṃdutkṛṣyottara eva kāryam | navarātrarāmanavamyādivat | tathā'tra viśeṣo bhaviṣyeatīte phālgune māsi prāpte caitramahotsave | puṇye'hni viprakathite prapādānaṃ samārabhet || iti | tataścotsarjayedvidvānmantreṇānena mānavaḥ | prapeyaṃ sarvasāmānyā bhūtebhyaḥ pratipāditā || asyāḥ pradānātpitarastṛpyantu hi pitāmahāḥ | arnivāryaṃ tato deyaṃ jalaṃ māsacatuṣṭayam || prapāṃ dātumaśaktena viśeṣāddharmamīpsunā | pratyahaṃ dharmaghaṭako vastrasaṃveṣṭitānanaḥ || brāhmaṇasya gṛhe deyaḥ śītāmalajalaḥ śuciḥ | tatra mantraḥeṣa dharmaghaṭo datto brahmaviṣṇuśivātmakaḥ | asya pradānātsakalā mama santu manorathāḥ || anena vidhinā yastu dharmakumbhaṃ prayacchati | prapādānaphalaṃ so'pi prāpnotīha na saṃśayaḥ || iti | jyeṣṭhaśuklapratipadi daśaharāmbhaḥ | kāśīkhaṇḍejyeṣṭhe māsi site pakṣe prāpya pratipadaṃ tithim | daśāśvamedhike snātvā mucyate sarvapātakaiḥ || evaṃ sarvāsu tithiṣu kramasnāyī narottamaḥ | ā śuklapakṣadaśamīṃ pratijanmaghamutsṛjet || iti