Kalasara 7.p42

7.p42

tadutthānaparyyantaṃ tadgṛhe na bhoktavyamiti | evaṃ paragotre śave gṛhe sthite, tāvatkālaṃ na bhoktavyaṃ dūti | “utthānaṃ janmatòdaśamadine” iti nāmakaraṇaprastāve pāraskarasūtraṃ likhitam | nanu antaḥsūtake cedotthānādāśaucaṃ sūtakavaditi pāraskarasūtrāntare ekādaśadine utthānapadaṃ prayuktamiti cet ? ucyate | āutthānādityatra āḍo 'bhividhyarthatā | tathā ca utthānadinamabhivyāpyāśaucamiti | ekādaśadine aśaucāpagama iti na kaścidvirodhaḥ | aṅgirāḥ,— na doṣasyāgnihotriṇām | sūtake śava āśauce tvasthisañcayanātparam | annasattrapravṛttānāmāmānnaṃ vigarhitam || bhuktā pakkānnameteṣāṃ cirācaṃ tu vratī bhavet | agnihotriṇāṃ sadānnadānaśīlānāñca mṛtakāśauce pañcadinaprabhṛtyāmānnagrahaṇe sūtake ādyadinato'pi āmānnagrahaṇe ca naṃ doṣaḥ | pakkānnabhakṣaṇe prāyaścittam | agnīṣomīyaparyantamapi na hi mataṃ dīkṣitasyānnamāśyam, kintvāpadyeva somakrayaṇa iha kṛte bhojyamevaṃ vipattau | yajñe'petthaṃ hi yadyaddraviṇamidamavasthāpya vādyaṃ tadanyat, cātuḥprāśye tu bhakṣyaṃ na hi nigaditamādhānakarmmāṅgabhūte || dhaumyaḥ,— brahmodane ca some ca sīmantonnayane tathā | jātaśrāddhe navaśrāddhe bhuktā cāndrāyaṇaṃ caret || brahmodanaṃ ādhānāṅgabhūtaṃ cātuḥprāśyaṃ, atra catvāraḥ ṛtvijaḥ prāśnantīti vidhiḥ| somo'gnīṣomīyapaśuparyyantam | “agnīṣomīya-