Samayapradipa p326

p326

idamuccārayet 1prātaḥ praṇamya ca jagatpatim | śrīvatsadhārin śrīkānta śrīvāsa śrīpate'vyaya || gārhasthyaṃ mā praṇāśaṃ me 2yātu dharmārthakāmadam | śucayo mā praṇaśyantu mā praṇaśyantu nirjarāḥ || yāmyagā mā praṇaśyantu matto dāmpatyabhedataḥ | lakṣm‍yā viyujyate devo na kadācid yathā bhavān || tathā kalatrasambandho deva mā me 4vimucyatām | lakṣm‍yā na 5śūnyaṃ varada yathā te śayane sadā || śayyāṃ samāpya śūnyāṃstu tathātra madhusūdana | evaṃ prasādya pūjāṃ tu kṛtvā lakṣmyāstathā hareḥ || phalāni dadyācchaktāyāmabhīṣṭāni jagatpateḥ | naktaṃ praṇamyāyatane hariṃ bhuñjīta vāgyataḥ || brāhmaṇāya dvitīye'hni 6śaktyā dadyācca dakṣiṇām | yāni tatra mahābāho kāle santi phalāni ca || madhurāṇi ca tīvrāṇi na cāpi kaṭukāni ca | dātavyāni nṛpaśreṣṭha śaktyā ca śayane nṛpa || madhurāṇi ca datvā tu manovallabhatāṃ vrajet |7 kharjūraṃ 8mātuliṅgāni sthitena śirasā saha | phalāni śayane rājan yajñabhāgaharasya ca