Samayapradipa p327

p327

etānyeva tu viprasya gāṅgeyasahitāni tu| dvitīye'hni pradeyāni bhaktyā śaktyā ca bhārata || vāso dānaṃ tathā dhānyaṃ phaladānasamanvitam| evaṃ karoti yaḥ samyaṅ naro māsacatuṣṭayam || tasya janmatrayaṃ vīra 2gṛhabhaṅgo na jāyate| aśūnyaśayanaṃ ca syāddharmakāmārthasādhakam || bhavatyavyāhṛtaiśvaryaḥ puruṣo nātra saṃśayaḥ || nārī ca rājan dharmajña vratametad yathāvidhi| yā karoti na śocyā sā bandhuvargasya jāyate || vaidhavyaṃ durbhagattvaṃ ca bhartustyāgaṃ ca 3sattama| nāpnoti janmatritayametat kṛtvā mahāvratam || ityeṣā kathitā rājan dvitīyā tithiruttamā| yāmupoṣya naro rājan 4siddhiṃ vṛddhiṃ śriyo vrajet