Tithyarka 5.p1.36

5.p1.36

kārttikeyastathā khaḍgī varuṇaśca hutāśanaḥ
dhānyaiḥ saśūkairgṛhaṃ saṃbhūṣitavyaṃ niśāgame
mālyairdhūpaistathā dīpairbhakṣyairuccāvacaistathā
paramānnaiḥ phalaiḥ śākairvahnibrāhmaṇatarpaṇaiḥ
evaṃ devāṃstu sampūjya dīpo deyo gṛhādvahiḥ
dīpopānte tathā garttaścaturasro manoharaḥ
caturviṃśāṃgulaḥ kāryaḥ siktaścandanavāriṇā
gandhakṣīreṇa sampūrṇaḥ sa samyak paripūjitaḥ
tatra hemamayo matsyo muktānetramanoharaḥ
prakṣepavyo vidhānena namo'stu haraye paṭhan
brāhmaṇāyā'tha yogyāya dadyāttaṃ kṣīrasāgaram |” iti
“kārttikyāṃ tu vṛṣotsargaṃ kṛtvā naktaṃ samācaret
śaiva padamavāpnoti śivavratamidaṃ smṛtam ||” iti
“nārada uvāca—
athojam̐vratinaḥ samyagudyāpanavidhiṃ nṛpa !
taṃ śṛṇuṣva mayā khyātaṃ savidhānaṃ viśeṣataḥ
ūrjaśuklacaturdaśyāṃ kuryādudyāpanaṃ vratī
vratasampūrṇatārthāya viṣṇuprītyarthameva ca
tulasīmṛladeśe tu sarvatobhadrameva ca
pañcabhiḥ varṇakaiḥ samyak śobhāḍhyaṃ samalaṅkṛtam
tasyopari sapidhānaṃ pañcaratnasamanvitam
mahāphalena saṃyuktaṃ kumbhaṃ tatra nidhāya ca
pūjayettatra deveśaṃ śaṅkhacakragadādharam
kauśeyapītavasanaṃ yuktaṃ jaladhikanyayā
indrādilokapālāṃśca maṇḍayet pūjayet vratī
dvādaśyāṃ pratibuddho'sau trayodaśyāṃ yataḥ suraiḥ
dṛṣṭo'rcitaścaturdaśyāṃ tasmāt pūjyastithāviha
tasyāmupavased bhaktyā śāntaḥ prayatamānasaḥ
pūjayed devadeveśaṃ sauvarṇaṃ gurvanujñayā
upacāraiḥ ṣoḍaśabhirnānābhakṣyasamanvitaiḥ
rātrau jāgaraṇaṃ kuryād gītavādyādimaṅgalaiḥ
tataśca paurṇamāsyāṃ ca sapatnīkān dvijottamān ||”
“triṃśanmitāṃstathaivaikaṃ svaśaktyā vā nimantrayet