Kaladipa p157

p157

ataeva dakṣeṇa prātaḥkālamārabhya uttaradināhnikakṛtyamabhihitam | śuddhaikādaśī dvividhā | ādhikyena yutā tadrahitā ca | ādhikyaṃ trividham | ekādaśyādhikyaṃ, dvādaśyādhikyam, ubhayādhikyaṃ ceti | triṣveteṣu aruṇodayamārabhya pravṛttāṃ śuddhāmapyekādaśīṃ parityajya paredyurupavāsaḥ karttavyaḥ | ekādaśyādhikye– "sampūrṇaikādaśī yatra dvādaśyāṃ vṛddhigāminī | dvādaśyāṃ laṅghanaṃ kāryaṃ trayodaśyāṃ tu pāraṇam || ekādaśīkalā prāptā yena dvādaśyupoṣitā | tulyā kratu śatena syāt trayodaśyāṃ tu pāraṇam" || dvādaśyādhikye— ekādaśī yadā ²luptā paratra dvādaśī bhavet | upoṣyā dvādaśī yatra yadīcchet paramāṃ gatim || ubhayādhikye- sampūrṇaikādaśī yatra prabhāte punareva sā | tatropoṣyā dvitīyā tu parato dvādaśī yadi || (bhṛguḥ) ubhayādhikyarahitāyāṃ tu śuddhāyāṃ ko'pi sandeho nāsti² | iti vaiṣṇavānāmekādaśī nirṇītā