Kaladipa p158
Kāladīpa p158
- Language
- Sanskrit
p158
aṣṭavarṣādhiko martyo ¹hyapūrṇāśītivatsaraḥ | ekādaśyāmupavaset pakṣayorubhayorapi || (kātyāyanaḥ) pratinidhau ( ²kaścid ) viśeṣaḥ smaryyate | kāmye pratinidhirnāsti nitye naimittike ca saḥ | kāmye'pyupakramādūrdhvaṃ kecit pratinidhiṃ viduḥ || (trikāṇḍamaṇḍanaḥ) asāmarthye upakramādūrdhvaṃ pratinidhināpi tat kārayet | "sāyamādyantayorahnoḥ sāyaṃ prātaścamadhyame | upavāsaphalaṃ prepsurjahyād bhaktacatuṣṭayam ||” (aṅgirāḥ) "atha nityopavāsī cet sāyaṃ prātarbhuṃ jikriyām | varjayenmatimān vipraḥ samprāpte harivāsare" || (viṣṇurahasyam) "upavāso yadā nityaḥ śrāddhaṃ naimittikaṃ bhavet | upavāsaṃ tadā kuryyādāghrāya pitṛsevitam” || (kātyāyanaḥ)