Kaladipa p27

p27

atra nirṇetavyo viṣayaḥ ṣoḍhā^1 bhidyate | pūrvedyureva madhyāhnavyā^2ptiḥ | aparedyureva tadvyāptitvam | ubhayatra tadvyāptitvam | nobhayatra tadvyāpitvam | ubhayatra sāmyena tadekadeśavyāptitvam | ubhayatra vaiṣamyeṇa tadekadeśavyāpitvaṃ ceti | tatra prathamadvitīyayormadhyāhnavyāptitvasyaiva nirṇāyakatvam | tṛtīye pūrvaviddhā grāhyā, mukhyakālavyāpteḥ samatve'pi gauṇakālavyāpteradhikatvāt | caturthe'nenaiva nyāyena ubhayatramukhyakālavyāpterabhāve'pi gauṇakālavyāptilābhāt pūrvaviddhaiva | pañcame'pyayameva nyāyo yojyaḥ | ṣaṣṭhe tu yadā pūrvedyuḥ madhyāhnakadeśamadhikaṃ vyāpnoti tadānīṃ tadādhikyāt gauṇakālavyāpteśca pūrvaiva grāhyā | yadā tu paredyurmadhyāhnakadeśamadhikaṃ vyāpnoti tadānīṃ gauṇakālavyāptyabhāve'pi mukhyakālavyāptyādhikyānusāreṇa paraiva grāhyā | anyāṅgaikabhakte tu— "pūjāvrateṣu sarvatra madhyāhnavyāpinī tithiḥ|” "madhyāhne pūjayennṛpa” ityādi śāstrairaṅginaḥ pūjāvidheḥ madhyāhne vihitatvena aṅgasya ekabhaktasyāparāhnādau prāpyamāṇatvāt apa^1rāhnādiḥ