Kaladipa p62
Kāladīpa p62
- Language
- Sanskrit
p62
gaurīvratam gūḍapūpāśca dātavyā māsi bhādrapade site ! tṛtīyāyāṃ sarvadānaṃ vāsudevasya prītaye || umāṃ śivaṃ gaṇeśañca vidhivat pūjayanti yāḥ | gaurīvaraprasādena paraṃ saubhāgyamāpnuyuḥ || (śatānandasaṃgrahe) tithidvaidhe paradine vrataṃ kāryam | tathā ca mādhavācāryāḥ muhūrttamātrasattve'pi dine gaurīvrataṃ pare | 1śuddhādhikāyāma1pyevaṃ gaṇayogapraśaṃsanāt | caturthī sā ca yugmavākyāt paraviddhā 2grāhyā | ekādaśī tathā ṣaṣṭhī amāvāsyā caturthikā | upoṣyāḥ parasaṃyuktāḥ parāḥ pūrveṇa saṃyutāḥ | (vasiṣṭhaḥ) iti vacanāt | amā vai somavāreṇa ravibāreṇa saptamī | caturthī bhaumavāreṇa akṣayādapi cākṣayā || (bhaviṣyapu.) vināyakavratam vināyakaṃ samabhyarcya caturthyāṃ yadunandana | sarvavighnairvimuktaḥ kāryasiddhimavāpnuyāt || (bhaviṣyapu.)
Linked texts (4)
- Gadādharapaddhati — Gadādhara Rājaguru 1725, Sanskrit
- Kālasāra — Nārāyaṇa Jyotirvit, Sanskrit
- Kālasāra — Gadādhara (Pāraskara commentator), Sanskrit
- Smṛtiprakāśa — Vāsudeva Ratha, Sanskrit