Kaladipa p61

p61

rambhātṛtīyā sā¹ dvividhā | jyeṣṭhaśuklatṛtīyāyāmekā mārgaśīrṣatṛtīyāyāmekā ca | bhadre kuru prayatnena rambhākhyaṃ vratamuttamam | jyeṣṭhaśuklatṛtīyāyāṃ snātā niyamatatparā || (bhaviṣyapu.) tathā ²aparaṃ rambhāvrataṃ paṭhitam | rambhātṛtīyāṃ vakṣyāmi sarvapāpapraṇāśinīm | mārgaśīrṣe tathā māsi tṛtīyāyāṃ narādhipa || śuklāyāṃ prātarutthāya dantadhāvanapūrvakam | ityādinā vratamabhidhāya upasaṃhṛtam | saubhāgyārthaṃ purā cīrṇaṃ rambhayā rājasattama | tena rambhātṛtīyeyaṃ paraṃ saubhāgyadāyinī || sā ca pūrvaviddhā grāhyā | rambhātṛtīyā pūrvā syāduttarā syād vratāntare | pare'hni nāsti cet pūrvaviddhāpyastu vratāntare || (mādhavācāryaḥ)