Samvatsaradidhiti 2.1.14

2.1.14

atha prayogaḥ | aṣṭamyāṃ prātarnityavidhiṃ kṛtvā śrīrāmabhaktaṃ vipraṃ saṃpūjya prārthayet |-śrīrāmapratimādānaṃ kariṣye'haṃ
dvijottama | tatrācāryo bhava prītaḥ śrīrāmo'si tvameva me
iti | tataḥ-navamyāmaṅgabhūtena ekabhaktena rāghava | ikṣvākuvaṃśatilaka prīto bhava bhavapriya | iti ekabhaktaṃ saṃkalpya sācāryo
haviṣyaṃ bhuñjīta | tataḥ prātarnityavidhyanantaraṃ svagṛhòttarabhāge
śaṅkhacakrahanūmadyutaṃ prāgdvāraṃ, garutmacchāṅgirbāṇayutaṃ dakṣiṇadvāraṃ,
gadākhaḍgāṅgadayutaṃ paścimadvāraṃ, padmasvastikanīlayutamuttaradvāraṃ,
madhye hastacatuṣkāyattavedikāyuktaṃ suvitānaṃ sutoraṇaṃ pūjāmaṇḍapaṃ
vidhāyopavāsasaṃkalpapūrvakaṃ pratimādānaṃ saṃrkalpayet | tatra mantraḥupoṣya navamīṃ tvadya yāmeṣvaṣṭasu rāghava | tena prīto bhava tvaṃ me
saṃsārāttrāhi māṃ hare | asyāṃ rāmanavamyāṃ tu rāmārādhanatatparaḥ
upoṣyrāṣṭasu yāmeṣu pūjayitvā yathāvidhi | imāṃ svarṇamayīṃ rāmapratimāṃ tvāṃ prayatnataḥ | śrīrāmaprītaye dāsye rāmabhaktāya dhīmate
prīto rāmo haratvāśu pāpāni subahūni ca | anekajanmasaṃsiddhānyabhyastāni mahāntyapi | iti | vedikāmadhye likhitasarvatobhadre'ṣṭadale vā kalaśapratiṣṭhādividhinā pūrṇakumbhaṃ nidhāya tadupari
sauvarṇe rājataṃ vaiṇavaṃ vā pīṭhaṃ vastrācchannaṃ nidhāya tatra siṃhāsane
śrīrāmapratimā mantroccāraṇapūrvakaṃ saṃsthāpya pādyaprabhṛtipuṣpāntopacārairmahāpūjāṃ kṛtvā | rāmasya jananī cāsi rāmātmakamidaṃ
jagat | atastvāṃ pūjayiṣyāmi lokamātarnamostu te | iti mantreṇa