Abdadidhiti 1.p23

1.p23

atha prayogaḥ | aṣṭamyāṃ prātarnityavidhiṃ kṛtvā śrīrāmabhaktaṃ vipraṃ saṃpūjya prārthayet |-śrīrāmapratimādānaṃ kariṣye'haṃ dvijottama | tatrācāryo bhava prītaḥ śrīrāmo'si tvameva me | iti | tataḥ-navamyāmaṅgabhūtena ekabhaktena rāghava | ikṣvākuvaṃśatilaka prīto bhava bhavapriya | iti ekabhaktaṃ saṃkalpya sācāryo haviṣyaṃ bhuñjīta | tataḥ prātarnityavidhyanantaraṃ svagṛhottarabhāge śaṅkhacakrahanūmadyutaṃ prāgdvāraṃ, garutmacchāṅgibāṇayutaṃ dakṣiṇadvāraṃ, gadākhaḍgāṅgadayutaṃ paścimadvāraṃ, padmasvastikanīlayutamuttaradvāraṃ, madhye hastacatuṣkāyatavedikāyuktaṃ suvitānaṃ sutoraṇaṃ pūjāmaṇḍapaṃ vidhāyopavāsasaṃkalpapūrvakaṃ pratimādānaṃ saṃ2kalpayet | tatra mantraḥupoṣya navamīṃ tvadya yāmeṣvaṣṭasu rāghava | tena prīto bhava tvaṃ me saṃsārāntrāhi māṃ hare | asyāṃ rāmanavamyāṃ tu rāmārādhanatatparaḥ | upopyāṣṭasu yāmeṣu pūjayitvā yathāvidhi | imāṃ svarṇamayīṃ rāmapratimāṃ tvāṃ prayatnataḥ | śrīrāmaprītaye dāsye rāmabhaktāya dhīmate | prīto rāmo haratvāśu pāpāni subahūni ca | anekajanmasaṃptiddhānyabhyastāni mahāntyapi | iti | vedikāmadhyalikhitasarvatobhadre'ṣṭadale vā kalaśapratiṣṭhādividhinā pūrṇakumbhaṃ nidhāya tadupari sauvarṇe rājataṃ vaiṇavaṃ vā pīṭhaṃ vastrācchannaṃ nidhāya tatra siṃhāsane śrīrāmapratimāmaṅgayuttāraṇapūrvakaṃ saṃsthāpya pādyaprabhṛtipuṣpāntopacārairmahāpūjāṃ kṛtvā | rāmasya jananī cāsi rāmātmakamidaṃ jagat | atastvāṃ pūjayiṣyāmi lokamātarnamostu te | iti mantreṇa kausalyāmabhyarcya | oṃ namo daśarathāyeti daśarathaṃ saṃpūjyāvarana-