Samvatsaradidhiti 6.p1.16

6.p1.16

tābhiḥ prajāpaterlokamāpnoti | anaśnansaṃhitāsahasramadhīyīta brahmabhūto brahmavirājeo brahmabhavatītyādi | rajoguṇopahitasya hiraṇyagarbhasya virājaśca sāyujyaṃ prāpya parabrahmabhāvaṃ gacchatītyarthaḥ
atha kumārīpūjanaṃ devīpurāṇe-pitaro vasavo rudrā
ādityā gaṇalokapāḥ | sarve te pūjitāstena kumāryoṃ yena pūjitāḥ | iti | tatsvarūpaṃ skānde-arogiṇīṃ supuṣṭāṅgīṃ surūpāṃ
vraṇavarjitām | samānavaṃśasaṃbhūtāṃ kanyāṃ samyakprapūjayet | iti
atra vaṃśasya samānatvaṃ pūjakajātīyavaṃśāpekṣayā | tena brāhmaṇena
brāhmaṇī pūjyetyarthaḥ | tathā | ekavarṣā tu yā kanyā pūjārthaṃ tāṃ
vivarjayet | gandhapuṣpaphalādīnāṃ prītisyāṃ na vidyate | dvivarṣakanyāmārabhya daśavarṣāvadhi kramāt | pūjayedityanuṣaṅgaḥ | devīpurāṇe-kumārī syādvivarṣā tu trivarṣā syāttrimūrtinī
caturvarṣā tu kalyāṇī pañcavarṣā tu rohiṇī | ṣaḍvarṣā tu bhavetkālī saptavarṣā ca caṇḍikā | aṣṭavarṣā śāṃbhavī syāddurgābdairnavabhiḥ smṛtā | daśavarṣā bhavedbhadrā | iti | tathā-āyuṣyabalavṛddhyarthaṃ kumārīṃ paripūjayet | saukhyadhānyadhanārogyaputrapautrābhivṛddhaye | trimūrtiṃ pūjayetkanyāṃ trivargasya phalāptaye | apamṛtyuvyādhipīḍāduḥkhanāśopapattaye | kalyāṇīṃ pūjayeddhīmānnityaṃ kalyāṇavṛddhaye | yaśaḥkāmo naro nityaṃ rohiṇīṃ pūjayetsadā | śatrūṇāṃ
vijayārthī ca kālikāṃ pūjayennaraḥ | saṃgrāme jayakāmaśca caṇḍikāṃ