Samvatsaradidhiti 6.p1.15

6.p1.15

vedapārāyaṇamapi śiṣṭācārātkāryaṃ | tadvidhirbaudhāyanīyadharmapraśne-athāto'nakṣatpārāyaṇavidhiṃ vyākhyāsyāmaḥ śucivāsāḥ syāccīravāsā vā haviṣyamannamicchedapaḥ phalāni vā grāmātprācīṃ vodīcīṃ vā diśamupaniṣkramya gomayena gocarmamātraṃ
sthaṇḍilamupalipya prokṣya sthaṇḍilamullikhyādbhirabhyukṣyāgnimupasamādhāya saṃparistīrya etābhyo devatābhyo juhuyāt-agnaye svāhā
prajāpataye viśvebhyodevebhyaḥ svayaṃbhuve ṛgbhyo yajurbhyaḥ sāmabhyo'tharvabhyaḥ śraddhāṃyai medhāyai prajñāyai śriyai hriyai savitre sāvitryai sadasaspataye anumataye | vedādimārabheta saṃtatamadhīyīta nāntarā
vyāharennāntarā viramedathāntarā virametrīnprāṇāyāmānāyasya vṛttāṃtāvadeva (?) ārabheta praticchāyā yāvatā kālena tāvantaṃ
kālaṃ tadadhīyīta | praticchāyā chāyāvaiparītyam | aparāhnapravṛttiriti yāvat | tataśca pūrvāhna evādhīyītetyāśayaḥ | sa yadā
jānīyādṛkto yajuṣṭaḥ sāmata iti tadbrāhmaṇaṃ tacchandasaṃ taddaivatamadhīyīta | vedatrayagatasaṃhitāmātrapārāyaṇacikīrṣāyāṃ viniyogacchandodaivatajñānamāvaśyakamityarthaḥ | ṛṣyupalakṣaṇametaddvādaśavedasaṃhitāyā yadadhīte | yadanadhyāye'dhīyīta yadguravaḥ gopitā̍nyakāryāṇi bhavanti tābhiḥ punīte tābhiḥ saṃhitābhiḥ śuddhamasya
pūtaṃ brahma bhavati | brahma vedaḥ | ataūrdhvaṃ saṃcayoparato dvādaśavedasaṃhitā adhīyīta tābhiruśanaso lokamavāpnoti | saṃcayoparato
dhanārjanarahitaḥ | aparā dvādaśa vedasaṃhitā adhīyīta tābhirbṛhaspaterlokamavāpnoti | aparā dvādaśa vedasaṃhitā adhīyīta