Samvatsaradidhiti 6.p1.24

6.p1.24

māṣabhaktabaliṃ dadyāt | mantraḥ- bhūtāḥ pretāḥ piśācāśca ye
vasantyatra bhūtale | te gṛhṇantu mayā datto balireṣa prasādhitaḥ
pūjitā gandhapuṣpādyairbalibhistarpitāstathā | deśādasmādviniḥsṛtya
pūjāṃ paśyantu matkṛtām | bhūtādibhya eṣa māṣabhaktabalirna mama
iti | tato rājacandanasarṣapaphalapuṣpakuśākṣatāḥ phaḍiti mantreṇābhimantrya bhūtāpasāraṇāya tānvikiret | mantraḥ - apasarpantu te
bhūtā ye bhūtā bhūmimāśritāḥ | bhūtānāmaviroghena pūjākarma karomyaham | phaṭ iti | vikirānvikirettatra sapta japtānśarāṇunā
lājacandanasiddhārthaphalapuṣpasitākṣatāḥ | vikirā iti saṃproktāḥ
sarvavighnavināśanāḥ | iti śāradātilakokteḥ | śarāṇuḥ phaḍitimantro vikiraṇe abhimantraṇe cābhipretaḥ | etadakaraṇe doṣaḥ
kālikāpurāṇe - sthiteṣu sarvabhūteṣu naivedyaṃ maṇḍalaṃ tathā | vilampanti mahālubdhā naca gṛhṇanti devatāḥ | tasmādyatnena kartavyaṃ
bhūtānāmapasāraṇam | iti | tataḥ śākhāyāṃ pratimāyāṃ ca punardevīṃ saṃpūjya śrīśailetyādyuktamantreṇa śākhāṃ devīrūpāṃ dhyātvā gītavādyaśabdaiḥ pratimāṃ śākhāṃ ca pūjāgṛhamadhye ānīya | - āropitāsi durge tvaṃ mṛnmaye śrīphale'pi ca | sthirā nitāntaṃ bhūtvā
me gṛhe tvaṃ kāmadā bhava | iti śuddhapīṭhe sthirīkuryāt
tatra digviborderṣābhimukhatvaniyamo durgābhaktitaraṅgiṇyāṃ devīpurāṇe-yāmyiā syācchubhadā durgā pūrvā syājjayavardhinī | paścimābhimukhī nityaṃ na sthāpyā saumyadiṅmukhī | iti | prāṇapratiṣṭhāṃ
kṛtvā pratiṣṭhāmantreṇa svaśākhoktena dvijaḥ pratiṣṭhāpayet | śūdraḥ