Samvatsaradidhiti 6.p1.23

6.p1.23

ca jayantī bilvadāḍimau | aśoko mānavṛkṣaśca dhātryādinavapatrikā | iti durgābhaktitaraṅgiṇyāṃ devīpurāṇe bilvasamatvena
patrikāntarāṇāmapyabhidhānāt | bodhane mantraḥ-rāvaṇasya vadhārthāya rāmasyānugrahāya ca | akāle brahmaṇā bodho devyāstvayi
kṛtaḥ purā | iṣe māsyasite pakṣe navamyāmārdrayogataḥ | śrīvṛkṣe
bodhayāmi tvāṃ yāvatpūjāṃ karomyaham | iti | ṣaṣṭhyāṃ bodhane
tu-ahamapyāśvine māsi sāyāhne bodhayāmyataḥ | ityetāvadvitīyasthāne paṭhanīyam | tato bilvaṃ prārthayet | merumandarakailāsahimavacchikhare girau | jātaḥ śrīphalavṛkṣa tvamambikāyāḥ sadā
priya | śrīśailaśikhare jāta śrīphala śrīniketana | netavyo'si
mayā vṛkṣa pūjyo durgāsvarūpataḥ | iti | tata uktasaptamyāṃ prātaḥ
pūrvābhimantritaṃ vilvaṃ gatvā taṃ punaḥ saṃpūjya kṛtāñjaliḥ prārthayet | -bilvavṛkṣa mahābhāga sarvadā śaṃkarapriya | gṛhītvā navaśākhāṃ tu durgāpūjāṃ karomyaham | śākhācchedodbhavaṃ duḥkhaṃ na ca
kāryaṃ tvayā prabho | iti | tata aiśānīprācyudīcyanyataradiggatāṃ
dviphalāṃ śobhanāṃ śākhāṃ vānaspatyena mantreṇa chedayet | vānaspatyena mantreṇa chindhi phaṭ oṃ huṃ phaṭ iti mantreṇeti kecit
vanaspate śatavalśo virohetyanenetyanye | śākhāṃ gṛhmānīyāṅgaṇe
śuddhapīṭhe nidhāya śuddhādbhirabhiṣicya bilvaśākhāyai nama ityardhyādibhiḥ śākhāyāṃ pratimāyāṃ ca devīmāvāhanapūrvakaṃ saṃpūjya
māṣabhaktādivaliṃ samarpya śākhāṃ pratimāṃ ca dolāyārūḍhāṃ pūjāgṛhadvāradeśamānīya tatra nidhāya tadgṛhagatāni bhūtāni bhūtebhyo
namaḥ iti gandhādibhiḥ pūjayet | tatastebhyaḥ sapuṣpajalotsargeṇa