Samvatsaradidhiti 6.p1.9

6.p1.9

sahiratnāni0 | hiraṇyarūpaḥ0 ityetairmantrairyathākramaṃ gandharasarvauṣadhīyavadūrvāpañcapallavasaptamṛttikāphalapañcaratnahiraṇyāni kṣiptvā yuvāsuvāsā iti vastreṇāveṣṭya pūrṇapātraṃ nidhāya tatra tattvāyāmi0 iti
mantreṇa varuṇaṃ pūjayet | brahmapūjanamapyuktaṃ jñānārṇave-pañcāśadbhiḥ
kuśaiḥ kāryoṃ brahmā paścānmukhaiḥ sthitaḥ | saṃstrāpya sthāpitaḥ kumbhe
caturbāhuścaturmukhaḥ | brahmajajñānamiti vā gāyatryā vā prapūjayet
iti | evamaiśānakalaśasthāpanānte kṛte madhyamakalaśopari sthāpitāyāṃ pūrvakṛtābhyuttāraṇāyāṃ nūtanapratimāyāṃ jīrṇāyāṃ vā mṛnmayyā
vā devīṃ dhyāyet | tadyathā mātsye-jaṭājūṭasamāyuktāmardhendukṛtalakṣaṇām | locanatrayasaṃyuktāṃ pūrṇendusadṛśānanām | atasīpuṣpavarṇābhāṃ supratiṣṭhāṃ sulocanām | navayauvanasaṃpannāṃ sarvābharaṇabhūṣitām | sucāruvadanāṃ tadvatpīnonnatapayodharām | tribhaṅgasthānasaṃsthānāṃ mahiṣāsuramardinīm | triśūlaṃ dakṣiṇe dadyātkhaṅgaṃ cakraṃ
kramādadhaḥ | tīkṣṇaṃ bāṇaṃ tathā śaktiṃ vāmato'pi nibodhata
kheṭakaṃ pūrṇacāpaṃ ca pāśamaṅkuśamūrdhajam | ghaṇṭāṃ vā paraśuṃ vāpi
vāmataḥ sanniveśayet | adhastānmahiṣaṃ tadvadviśiraskaṃ pradarśayet
śiraśchedodbhavaṃ tadvaddānavaṃ khaḍgapāṇinam | hṛdi śūlena nirbhinnaṃ
niryadantravibhūṣitam | raktaraktīkṛtāṅgaṃ ca raktavisphāritekṣaṇam
veṣṭitaṃ nāgapāśena bhrukuṭībhīṣaṇānanam | sapāśavāmahastena
dhṛtakeśaṃ ca durgayā | vamadrudhirasiktaṃ ca devyāḥ siṃhaṃ pradarśayet | devyāstu dakṣiṇaṃ pādaṃ samaṃ siṃhopari sthitam | kiṃcidūrdhvaṃ tathā vāmamaṅguṣṭhaṃ mahiṣopari | stūyamānaṃ ca tadrūpamamaraiḥ