Durgabhaktitarangini (Vidyapati) 1.p14
Durgābhaktitaraṅgiṇī (Vidyāpati) 1.p14
- Language
- Sanskrit
1.p14
atha pratimālakṣaṇam || matsyapurāṇe kātyāyanyāḥ pravakṣyāmi mūrttindaśabhujāntathā| trayāṇāmapi devānāmanukāraṇakāriṇīm|| jaṭājūṭasamāyuktāmardhendukṛtalakṣaṇām| locanatrayasaṃyuktām padmendusadṛśānanām || atasīpuṣpavarṇābhāṃ supratiṣṭhāṃ sulocanām| navayauvanasampannāṃ sarvābharaṇabhūṣitām || sucārudaśanāṃ tadvatpīnonnatapayodharām| tribhaṅgasthānasaṃsthānām mahiṣāsuramardinīm|| triśūlaṃ dakṣiṇe dadyāt khaḍgañcakraṃ kramādadhaḥ| tīkṣṇabāṇaṃ tathā śaktiṃ vāmato'pi nibodhata|| kheṭakam pūrṇacāpañca pāśamaṅkuśamūrdhvataḥ| ghaṇṭāṃ vā paraśuṃ vā'pi vāmataḥ sanniveśayet|| adhastānmahiṣaṃ tadvadviśiraskam pradarśayet| śiraśchedodbhavaṃ tadvaddānavaṃ khaḍga pāṇinam|| hṛdi śūlena nirbhinnaṃ niryadantravibhūṣitam| raktaraktīkṛtāṅgañca raktavisphāritekṣaṇam|| veṣṭitaṃ nāgapāśena bhrukuṭībhīṣaṇānanam| sapāśavāmahastena dhṛtakeśañca durgayā
Linked texts (3)
- Durgārcanasṛti — Sanskrit
- Saṃvatsaradīdhiti — Anantadeva 1650, Sanskrit
- Durgābhaktitaraṅgiṇī (Vīrasiṃha) — Vīrasiṃha, Sanskrit