Manava Dharmashastra 1.17
Manvarthamuktāvalī 1.17
- Language
- Sanskrit
1.17
yasmānmūrtiḥ śarīraṃ tatsaṃpādakā avayavāḥ sūkṣmāstanmātrāhaṃkārarūpāḥ ṣaṭ tasya brahmaṇaḥ saprakṛtikasya imāni vakṣyamāṇāni bhūtānīndriyāṇi ca pūrvoktāni kāryatvenāśrayanti| tanmātrebhyo bhūtotpatteḥ ahaṃkārācca indriyotpatteḥ| tathāca paṭhanti-‘‘prakṛtermahāṃstato'haṃkārastasmādgaṇaśca ṣoḍaśakaḥ| tasmādapi ṣoḍaśakātpañcabhyaḥ pañca bhūtāni||’’ (sāṃkhyakārikā 22) tasmāttasya brahmaṇo yā mūrtiḥ svabhāvastāṃ tathā pariṇatāmindriyādiśālinīṃ lokā śarīrāmiti vadanti| ṣaḍāśrayaṇāccharīramiti śarīranirvacanenānena pūrvoktotpattikrama eva dṛḍhīkṛtaḥ|