Manava Dharmashastra 3.107
Manvarthamuktāvalī 3.107
- Language
- Sanskrit
3.107
abdamityatyantasaṃyoge dvitīyā| yo varṣamapyekaṃ svādhyāyamaharaharvihitāṅgayuktaṃ niyatendriyaḥ prayato japati tasyaiva svādhyāyo japayajñaḥ kṣīrādīni kṣarati kṣīrādibhirdevānpitṝṃśca prīṇāti| te ca prītāḥ sarvakāmairjapayajñakāriṇastarpayantītyarthaḥ| ataeva yājñavalkyaḥ—‘‘madhunā payasā caiva sa devāṃstarpayeddvijaḥ| pitṝnmadhughṛtābhyāṃ ca ṛco'dhīte hi yo'nvaham|| ’’ (a0 1 ślo0 41) ityupakramya caturṇāmeva vedānāṃ purāṇānāṃ japasya ca devapitṛtṛptiphalamuktvā śeṣe ‘‘te tṛptāstarpayantyenaṃ sarvakāmaphalaiḥ śubhaiḥ’’ (a0 1 ślo0 47) ityuktavān|