Manava Dharmashastra 5.152

5.152

cikitsako bhiṣak, devalaḥ pratimāparicārakaḥ, vartanārthatvenaitatkarma kurvato'yaṃ niṣedho natu dharmārtham | ‘‘devakośopabhojī ca nān‍nā devalako bhavet’’ iti devalavacanāt | māṃsavikrayiṇaḥ sakṛdapi | ‘‘sadyaḥ patati māṃsena’’ (a0 10. ślo0 92) iti liṅgāt | vipaṇeneti vipaṇo vaṇijyā tayā jīvantaḥ | havyakavyayorityabhidhānāddaive pitrye caite tyājyāḥ |