Manava Dharmashastra 5.185
Manvarthamuktāvalī 5.185
- Language
- Sanskrit
5.185
triṇāciketo'dhvaryuvedabhāgastadvrataṃ ca, tadyogātpuruṣo'pi triṇāciketaḥ| pañcāgniragnihotrī| tathāca hārītaḥ-“pavanaḥ pāvanaścaitā yasya pañcāgnayo gṛhe| sāyaṃ prātaḥ pradīpyante sa vipraḥ paṅktipāvanaḥ||” pavana āvasathyāgniḥ, pāvanaḥ sabhyo'gniḥ śītāpanodārthaṃ bahuṣu deśeṣvapi vidhīyate| trisuparṇo bahvacāṃ vedabhāgastadvrataṃ ca, tadyogātpuruṣo'pi trisuparṇaḥ| ṣaḍaṅgāni śikṣādīni yo vyācaṣṭe sa ṣaḍaṅgavit sarvapravacanena ṣaḍaṅgādhyetoktaḥ| brahmadeyā brāhmavivāhoḍhā tasyā ātmasaṃtānaḥ putraḥ| jyeṣṭhasāmānyāraṇyake gīyante teṣāṃ gātā| ete ṣaṭ vijñeyāḥ paṅktipāvanā ityuttaraślokena saṃbandhaḥ|